A Universidade Sénior, o programa universitario para adultos maiores de 50 anos da Universidade da Coruña, celebrará o Día das Letras Galegas con actos programados nas súas sedes da Coruña e Ferrol, os días 21 e 16 de maio, respectivamente.

No campus da Coruña, o espazo Cubo de Normal (Paseo de Ronda, 47), acollerá o seguinte programa de actividades o día 21 de maio, martes:

10:30 Conferencia “Luísa Villalta, todas as artes son amigas” a cargo de Pilar García Negro e Marica Campo

12:00 Concerto “Villalta con Música”, a cargo da soprano Esperanza Mara

A entrada é libre ata completar aforo

No campus de Ferrol, o acto terá lugar o día 16 de maio, a partir das 12:30 horas, no Salón de Actos do Campus de Esteiro, cun Recital de Poesía Galega en homenaxe a Luisa Villalta organizado polo Club de Lectura da Universidad Sénior, coordinado por Antonio Polo, en colaboración con Almudena Otero, profesora do Departamento de Letras da UDC, no que se fará unha lectura de fragmentos de poemas de Luísa Villalta por parte dos participantes.

Ante calquera dúbida, contactar coas Secretarías da Universidade Sénior: