A Coruña, 27 de xaneiro de 2020.- O reitor da Universidade da Coruña, Julio Abalde, presidiu hoxe os actos do Día da Universidade que se celebran pola festividade de Santo Tomé de Aquino nunha homenaxe ao alumnado destacado en todos os niveis académicos.

A Universidade da Coruña instaurou este ano, pero con efectos desde o curso en que inicou o mando o reitor Abalde (2016/2017), os Premios Extraordinarios de Mestrado que se entregaron nun acto previo ao acto central, debido ao elevado número de alumnos premiados, que en total sumaron 313 premios de todos os niveis académicos.

Ás 12:30 horas tivo lugar o acto central do Día da Universidade, no que participou o presidente do Consello Social da Universidade da Coruña, Antonio Abril, e o director de Institucións do Banco Santander (entidade financiadora dos premios de grao), Luis Pernas. Entregaronse os Premios á Excelencia Académica no Bacharelato e Ciclos Formativos de Grao Superior (diploma e un cheque de 457,65 euros); os Premios Extraordinarios de Grao UDC-Banco Santander do curso 2018/2019 (diploma e ingreso de 1.122,44 euros); os distintivos aos novos Doutores e os Premios extraordinarios de Doutoramento (diploma) da convocatoria 2017/2018.

Premios á Excelencia Académica no Bacharelato e Ciclos Formativos de Grao Superior

Eva María	Añón Pintor	Grao en Educación Social
Clara María	Bode Gómez	Grao en Enxeñaría en Deseño Industrial e Desenvolvemento do Produto
Carmen	Cadahía Veira	Grao en Dereito
Lucía	Castro Garrido	Grao en Bioloxía
Lucía	Cortés Martínez	Grao en Enfermería
Andrea Carolina	Cozzolino Núñez	Programa de Simultaneidade do Grao en Bioloxía e Grao en Química
Joaquín	Domínguez Espiñeira	Grao en Tecnoloxía da Enxeñaría Civil
Laura	Fariñas Freije	Grao en Podoloxía
Marta	Fernández Alcantud	Grao en Logopedia
Alejandro	Fernández Marzoa	Grao en Xestión Industrial da Moda
Lucía	Fernández Rumbo	Grao en Administración e Dirección de Empresas
Anxo	García Gómez	Grao en Terapia Ocupacional
Diego	García López	Grao en Enxeñaría Informática
Melody	García Sánchez	Grao en Educación Primaria
Álvaro	González López	Programa de Simultaneidade do Grao en Administración e Dirección de Empresas e o Grao en Dereito
Andrea	López Enríquez	Grao en Fisioterapia
María	López Mateos	Grao en Náutica e Transporte Marítimo
José Miguel	Lorenzo García	Programa de Simultaneidade do Grao en Enxeñaría Mecánica e Enxeñaría Naval e Oceánica
Antón	Méndez Fernández	Grao en Galego e Portugués: estudos lingüísticos e literarios
Inés	Pampín López	Grao en Estudos de Arquitectura
Carlos	Pena Rodríguez	Grao en Tecnoloxías Industriais
Natalia	Pérez Rodríguez	Grao en Educación Infantil
Jacqueline	Reimúndez Rey	Grao en Comunicación Audiovisual
Alberto	Sánchez Vivas	Grao en Ciencias da Actividade Física e do Deporte
David	Santiago Pérez	Grao en Ciencia e Enxeñaría de Datos
Samuel	Santiago Ramírez	Grao en Economía
Carla	Villar Castro	Programa de Simultaneidade do Grao en Inglés: estudos lingüísticos e literarios

 

Premios Extraordinarios de Grao UDC-Banco Santander

Santiago	Alonso Pérez	Grao en Español: Estudos Lingüísticos e Literarios
Pablo	Aneiros Sanmartín	Grao en Economía
Leticia	Barbadillo Vázquez	Grao en Educación Infantil
Carolina	Carreira Pacoret	Grao en Educación Primaria
Mario	Castro Suárez	Grao en Enxeñaría Mecánica
Laura	Catoira Acín	Grao en Estudos de Arquitectura
Sara	Cochón Barral	Grao en Enxeñaría de Obras Públicas
Ainhoa	Conde Castro	Grao en Náutica e Transporte Marítimo
Laura	Corral Fachal	Grao en Educación Infantil
Laura	Edreira Marzoa	Grao en Tecnoloxía da Enxeñaría Civil
Itziar	Fernández Sömme	Grao en Administración e Dirección de Empresas
Manuel	Fernández Taboada	Grao en Teconoloxías Mariñas
María	Fernández Zas	Grao en Galego e Portugués: Estudos Lingüísticos e Literarios
María	Fernández Zas	Grao en Inglés: Estudos Lingüísticos e Literarios
Elizabet	Filgueira Gutiérrez	Grao en Humanidades
Pablo	García Bernárdez	Grao en Enxeñaría en Tecnoloxías Industriais
Miguel	García Couñago	Grao en Administración e Dirección de Empresas
Tulio	García de Martín	Grao en Fisioterapia
Laura	García Fernández	Grao en Terapia Ocupacional
Menchu	Garrote Espantoso	Grao en Información e Documentación
María	Gato Martínez	Grao en Enxeñaría en Deseño Industrial e Desenvolvemento do Produto
Rodrigo	Gil Cedillo	Grao en Educación Social
Santiago	Golpe Mantiñán	Grao en Enxeñaría Eléctrica
Carla	Gómez Castro	Grao en Relacións Laborais e Recursos Humanos
Adriana	Gómez Redondo	Grao en Turismo
Francisco José	González Caballero	Grao en Ciencias da Actividade Física e do Deporte
Carla	Iglesias Carballido	Grao en Podoloxía
Javier	Lago Lago	Grao en Enxeñaría Naval e Oceánica
Eduardo	Lampón Sánchez	Grao en Dereito
Paula	López Álvarez de Neyra	Grao en Arquitectura
Junquera	López Seijas	Grao en Bioloxía
Íñigo Luis	López-Riobóo Botana	Grao en Enxeñaría Informática
Rut	Martínez Sánchez	Grao en Relacións Laborais e Recursos Humanos
Silvia	Neira Prieto	Grao en Dereito
David	Otero Freijeiro	Grao en Enxeñaría Informática
Darío	Pérez Bergantiños	Grao en Dereito
Antía	Pintor Labandeira	Grao en Química
Sofía	Pires Martínez	Grao en Enfermaría
Adriana	Rial Justo	Grao en Ciencias da Actividade Física e do Deporte
Noelia	Rivadas López	Grao en Logopedia
Viviana Carolina	Rizo Darias	Grao en Ciencias Empresariais
Sofia	Sánchez Bello	Grao en Enfermaría
Susana	Sanmartín Guillen	Grao en Educación Primaria
Manuel	Silva Díaz	Grao en Comunicación Audiovisual
María	Varela Loimil	Grao en Administración e Dirección de Empresas
Mateo	Vázquez Maceiras	Grao en Enxeñaría Electrónica Industrial e Automática
Raquel	Vidal Blanco	Grao en Socioloxía
Claudia	Viña Vázquez	Grao en Ciencias Empresariais

 

Premios extraordinarios de Doutoramento

Lorena	Alonso Marañón
Raquel	Carballo Castosa
Rodrigo	Carballo Sánchez
Juan José	Cartelle Barros
Iván	Clavel San Emeterio
Ignacio	de la Peña Zarzuelo
Miguel	Dongil Sánchez
Marta	Esperanza Llera
Isabel	Gil Gesto
Oscar Armando	Lenis Rojas
Beatriz	López Bermúdez
Paloma	López de Figueroa
Ángela	López Sainz
Guillermo	Lorenzo Gómez
Luisa	Losada Puente
José Antonio	Méndez Arredondo
Adrián	Moure Rosende
María Verónica	Prego Faraldo
Carlos José	Rey Cabezudo
Sonia	Rico Alonso
Sabela	Rivas Neira
Marta	Seoane Méndez

 

 

Acto académico do Día da Universidade 2020

Discurso do Reitor, Julio Abalde

 

Sr. Presidente do Consello Social da UDC

Sr. Director de Institucións do Banco Santander,

Autoridades, representacións,

Membros da comunidade universitaria

Familiares, amigas e amigos todos:

 

Celebramos hoxe o Día da Universidade, a tradicional festividade de San Tomé, patrón dos estudantes.

Na Universidade da Coruña aproveitamos este breve alto no ecuador do curso para facer público recoñecemento do talento e do esforzo dos nosos mellores alumnos e alumnas.

A perseveranza na procura da excelencia é unha das cualidades que definen as universidades desde o seu nacemento mesmo: excelencia na docencia e na investigación e excelencia tamén no traballo dos e das estudantes no tempo de preparación no campus.

O Paraninfo reborda hoxe excelencia e talento.

Están os estudantes galardoados cos premios á excelencia académica no bacharelato e nos ciclos formativos de grao superior. Zume novo que acaba de chegar ás nosas facultades e escolas co magnífico aval do seu rendemento previo a comezar a carreira nos campus da Coruña ou de Ferrol.

Igualmente outorgamos os premios extraordinarios das titulacións de grao ao alumnado que completou a formación nas súas correspondentes carreiras facendo unha exemplar demostración de talento, traballo e sentido da responsabilidade.

No nivel de doutoramento, entregamos os distintivos aos novos doutores e doutoras pola Universidade da Coruña e os diplomas acreditativos aos que, na súa formación investigadora, se fixeron así mesmo acredores dos premios extraordinarios.

Para todas e para todos a miña máis cordial felicitación, a do equipo de goberno que presido e a de toda a nosa comunidade universitaria. Parabéns, igualmente, para os familiares que vos acompañan e cuxa satisfacción nos resulta moi doado compartir.

Este ano, por primeira vez, incluímos na homenaxe do Día da Universidade a todos aqueles estudantes que destacaron polo seu aproveitamento ao cursaren algún dos másteres oficiais.

Na actualidade o noso catálogo consolidado de másteres ou mestrados está formado por medio cento de títulos, a maioría de carácter interuniversitario, cunha matrícula próxima aos dous mil alumnos e alumnas.

Quixemos aproveitar esta primeira vez para agasallar tamén os mellores expedientes de mestrado dos dous cursos anteriores.

O elevado número de premiados fixo imposible reunir a todos no Paraninfo. Esta é a razón pola que se desdobrou o acto e a entrega de diplomas dos premios extraordinarios de másteres desenvolveuse aquí mesmo hai un par de horas.

A eles expreseilles, xunto coa nosa felicitación, o agradecemento da Universidade da Coruña. Un agradecemento que tamén quero transmitirlle agora a todos os presentes neste acto solemne.

Agradecemento, desde logo, por confiar na Universidade da Coruña para cursar os estudos superiores. Pero, sobre todo, polo compromiso demostrado e o exemplo que supón a vosa traxectoria  tanto para o resto do estudantado como para o profesorado e o persoal que traballa nos campus.

O talento é a materia prima das universidades. Con el traballamos o mesmo no ámbito da docencia que no da investigación. O mesmo para formar profesionais de primeiro nivel que para facer investigación básica e aplicada.

Desde un punto de vista individual, acceder á educación superior é un dereito a cuxa cobertura atendemos as universidades públicas, sostidas fundamentalmente cos recursos que nos achega a sociedade.

É un camiño de realización persoal e de promoción social para alcanzar obxectivos sociais, económicos e culturais. En Galicia contamos cun sistema universitario formado por tres universidades públicas de calidade, con capacidade para satisfacer esa demanda e formar, ao máximo nivel, a profesionais de calquera ámbito do coñecemento.

∎

O obxectivo primeiro, nuclear, das universidades do século XXI segue sendo a formación do alumnado a través da transmisión do saber.

Mais o mundo de hoxe, de natureza extremadamente cambiante, esixe que a formación, ademais de sólida e completa, vaia acompañada de destrezas e habilidades transversais para a formación permanente, esixe “aprender a aprender”, formación práctica e competencias novas en contornos dixitalizados.

Ademais, a docencia de calidade forma coa investigación un binomio  inseparable. Ambas dimensións son os piares das boas universidades e ambas misións –a académica e a científica– se retroalimentan e fortalecen mutuamente.

En tempos de transformacións aceleradas, as universidades pasan a ocupar un lugar central como motor do progreso e do desenvolvemento económico. Non só debemos adaptarnos aos cambios, senón que en boa medida temos que lideralos.

O coñecemento, a aplicación do talento cos bos profesionais universitarios e coa transferencia do coñecemento que se xera nos campus son fundamentais no novo modelo de economía.

Daquela, as universidades temos que investigar moito e ben. Temos que facer a investigación básica e a investigación aplicada imprescindibles para o progreso da sociedade á que nos debemos e para a que traballamos.

Temos que ensinar, temos que investigar e temos que lle transferir ao tecido socioprodutivo o coñecemento necesario para que a innovación estimule o progreso.

Así é que, desde un punto de vista social e como universidades públicas, asumimos roles prioritarios na xeración e na execución da I+D+i pública.

A responsabilidade é, pois, moi alta. A sociedade e os seus gobernantes deben telo presente nos seus proxectos e nos seus orzamentos.

As grandes reformas vividas polas universidades galegas e españolas nos últimos tempos obedecen precisamente a esa necesidade de enfrontar os novos retos e desafíos con solvencia e eficiencia docentes e científicas.

∎

Os cambios na estrutura de titulacións, a incorporación de novos graos, a configuración dun bo catálogo de posgraos, o reforzamento e potenciación da formación investigadora a través do doutoramento, a innovación metodolóxica na docencia, a internacionalización, o incremento da participación científica en proxectos e redes internacionais ou a decidida cooperación coas empresas e coas administracións publicas en docencia e investigación son algúns dos visibles efectos do proceso de modernización abordado pola Universidade da Coruña nos últimos anos.

Sen solución de continuidade cos últimos catro anos, eu e o meu equipo de goberno comezamos estes días unha nova etapa, logo de que a comunidade universitaria nos renovase a confianza no proceso electoral que se desenvolveu en decembro último.

Móvenos o compromiso coa nosa institución, o sentido da responsabilidade e unha ilusión renovada. Enerxía e confianza para seguir avanzando nos proxectos que temos en marcha e para desenvolver as ideas coas que formulamos o programa para a expansión da Universidade da Coruña nos anos vindeiros.

Sexan proxectos de gran calado, melloras na calidade de docencia, investigación e servizos ou reformas para mellorar a xestión, todas as iniciativas fortalecerán a Universidade da Coruña e redundarán en beneficio do noso alumnado, primeiro, e da sociedade no seu conxunto, en último termo.

Entre outras moitas cousas, imos incrementar as titulacións plurilingües e internacionais e a aumentar a oferta de mobilidade para estudantes saíntes, mentres traballamos na internacionalización do currículo e a mobilidade virtual para garantir a inclusión internacional de todo o estudantado.

Este vindeiro curso 2020-2021 implantaremos un título: o Grao en Nanociencia e Nanotecnoloxía, en tanto ultimamos a incorporación do Grao en Turismo como título propio e, daquela, con prezos de matrícula públicos.

Para o seguinte curso esperamos poder sumar xa un novo título compartido (neste caso coa Universidade de Vigo), o Grao en Relacións Internacionais, que se impartirá na Facultade de Humanidades de Ferrol.

Acabamos de completar o proceso de reconfiguración dos campus como Campus Sustentabilidade e Campus Innova, na Coruña, e Campus Industrial, en Ferrol. Queremos que os títulos de grao e mestrado e os programas de doutoramento encaixen neste proceso de especialización xunto cos grupos de investigación e os centros tecnolóxicos.

Precisamente sobre o Campus Innova se nucleará o proxecto da Cidade das TIC, un ambicioso plan para unir investigadores da UDC e das empresas do sector das tecnoloxías da información e da comunicación e crear un polo de excelencia punteiro con proxección  internacional.

En Ferrol proxectamos construír un Centro de Investigación en Industria Intelixente, outra iniciativa de enorme interese e transcendencia para o Campus Industrial e para Galicia.

En ambos casos contamos, como digo, coa colaboración das administracións públicas e das principais empresas de cada ámbito.

A cooperación institucional e a conexión co contorno socioprodutivo rendibilizan sinerxías e permítennos alcanzar obxectivos comúns e moi positivos para o progreso do país.

Mellor docencia, mellor investigación e relación máis estreita con administracións e empresas significan  titulados e tituladas mellor preparados.

E a boa preparación dos nosos egresados reflíctese, non o dubiden, nun elevado índice de inserción laboral, por enriba da media galega e da media española, segundo confirmou en 2019 o primeiro estudo de empregabilidade sobre titulados polo plan Boloña.

∎

Antes de rematar quero agradecer de novo a colaboración do Banco Santander para a dotación económica dos premios extraordinarios fin de grao.

Máis nada. Reitérolles a felicitación e o meu desexo de que os vosos seguintes pasos (académicos ou profesionais) estean definidos polo mesmo éxito que o demostrado ata agora co voso talento e co voso esforzo. Moitas grazas”.