Next Generation EU (NGEU) é un instrumento de recuperación dotado con 750.000 millóns de euros, creado para sustentar a recuperación da pandemia da COVID-19, que contribuirá a reparar os danos económicos e sociais causados por ela e a acadar unha Europa máis ecolóxica, máis dixital, máis resiliente e mellor adaptada aos retos actuais e futuros. A través do Mecanismo de Recuperación e Resiliencia, en forma de préstamos e subvencións, apoiaranse as reformas e inversións emprendidas polos Estados Membros.