Dámosche a benvida á páxina web do Servizo de Normalización Lingüística, a unidade de traballo da Universidade da Coruña (UDC) que se encarga de proporcionar apoio técnico ao proceso de ampliación dos usos da lingua galega nos distintos ámbitos da vida universitaria. Entre outras tarefas, revisamos e traducimos documentos, ofrecemos cursos de formación para o persoal da UDC, organizamos e coordinamos actividades para promover o uso do noso idioma propio nos centros e publicamos e divulgamos todo tipo de recursos lingüísticos.