MATRÍCULA DE NOVO INGRESO

Só os estudantes admitidos no proceso de preinscrición en graos ou os admitidos directamente polos Centros poden matricularse.

Se xa tes a praza asignada, consulta a guía de matrícula de novo ingreso antes de comezar a matrícula, xa que contén información importante que será de axuda no proceso.

Se xa tes conta institucional activa na UDC (por ser ou ter sido estudante anteriormente nesta universidade), usa a ligazón para matrícula de estudantes con conta na UDC.

Se é a primeira vez que estudas na UDC e non tes conta institucional todavía, usa a ligazón para matrícula de estudantes externos e a mesma conta temporal que rexistraches durante o proceso de preinscrición. Despois de formalizar a túa matrícula terás que activar a túa nova conta institucional da UDC.

Recorda consultar a guía de matrícula antes de comezar ou se che xurden dúbidas durante o proceso.

Se precisas axuda durante o proceso de matrícula, podes dirixirte ao centro responsable do título do que te matriculas (podes consultar esta información aquí).

A partir do momento no que fagas a matrícula, todas as cuestións relacionadas con ela debes consultalas co teu centro.