Noticias

Publicado: 27 Novembro 2025

Os días 19 e 20 de novembro, o SETU Xcelerate Centre en Waterford (Irlanda) acolleu o V Foro Transnacional SEALabHaus. Este encontro reuniu a socios internacionais e actores locais para avanzar na profesionalización e formación vinculadas ao turismo azul, seguindo os principios da Nova Bauhaus Europeo (NEB).

O foro incluíu conferencias abertas sobre temas como a profesionalización en turismo, a renovación urbana do Viking Triangle, a evolución do Waterford Greenway, o desenvolvemento de comunidades costeiras, festivais marítimos e a creación de capacidades creativas fronte ao cambio climático. A segunda xornada, dedicada aos socios do proxecto, ofreceu visitas a Tramore, a Copper Coast, instalacións artísticas e o Waterford Treasures Museum, mostrando exemplos locais que reflicten os valores de sustentabilidade, beleza e inclusión promovidos por SEALabHaus.

Este evento continúa a serie de foros celebrados na Coruña, Porto, Vannes e Gran Canaria, consolidando a cooperación transnacional para impulsar a cultura marítima e o turismo azul no Atlántico.

Publicado: 26 Novembro 2025

O pasado 14 de novembro, a Xunta de Galicia acolleu o II Seminario Rexional – Plan Estratéxico da Cultura Marítima e o Turismo Azul.

O encontro, celebrado en Santiago de Compostela, reuniu a representantes institucionais, socios do proxecto, investigadores e axentes locais para presentar os resultados do primeiro ano de SEALabHaus e avanzar na definición de estratexias que fortalezan o ecosistema costeiro e revitalicen as comunidades mariñeiras. Durante a xornada elaborouse unha análise DAFO e o seu correspondente matriz CAME, identificando factores crave para orientar o futuro Plan Estratéxico de Cultura Marítima e Turismo Azul no ámbito atlántico.

A directora xeral de Desenvolvemento Pesqueiro, Ángeles V. Suárez, destacou que esta iniciativa lidera a creación do Laboratorio Atlántico, un espazo dixital para a innovación costeira que recolle boas prácticas, ferramentas técnicas e proxectos sostibles. Subliñou que accións como esta “reforzan a cooperación atlántica e demostran que o mar segue sendo unha fonte inesgotable de oportunidades”.

Publicado: 26 Novembro 2025

O pasado 4 de outubro celebrouse en Cabedelo, Figueira dá Foz, o II Seminario Rexional – Plan Estratéxico da Cultura Marítima e o Turismo Azul, organizado por AD ELO – Associação de Desenvolvimento Local dá Bairrada e Mondego.

O encontro, realizado en paralelo ao Festival Gliding Barnacles, reuniu a socios do proxecto, representantes institucionais, investigadores e membros da comunidade local para reflexionar sobre a cultura marítima e o turismo azul. Durante a xornada presentáronse os resultados do primeiro ano do proxecto SEALabHaus, compartíronse iniciativas innovadoras e debatéronse enfoques académicos sobre sustentabilidade no turismo.

O momento máis destacado foi o debate e taller colaborativo, que permitiu elaborar unha análise DAFO e CAME para definir estratexias para orientar o futuro de laCultura Marítima e Turismo Azul no ámbito Atlántico.

Publicado: 02 Outubro 2025

A Universidade da Coruña, en representación do SEALabHaus, participou o pasado 30 de setembro no encontro de traballo do proxecto GRAAL – Governance and Regional Atlantic Area Lighthouse, celebrado na sede da CCDR Norte en Porto. Este proxecto foi seleccionado como Operation of Strategic Importance dentro do programa Interreg Atlantic Area, unha nova figura do marco regulador 2021–2027 que busca destacar iniciativas emblemáticas e visibilizar a contribución da Política de Cohesión.

Durante a sesión, organizada polo equipo coordinador liderado por Cerema (Centre for Studies and Expertise on Risks, the Environment, Mobility and Urban Planning), presentouse a metodoloxía de traballo de GRAAL e abriuse un espazo de reflexión colaborativa sobre como capitalizar os resultados dos proxectos financiados por Interreg. A participación do SEALabHaus permitiu compartir experiencias e aprendizaxes, así como establecer sinerxías con outros proxectos activos e xa finalizados, arredor de obxectivos comúns como a protección ambiental, a prosperidade e a preparación ante o cambio climático.

Agradecemos ao Joint Secretariat e ao equipo de GRAAL a súa invitación a este evento tan produtivo, que marca o inicio dunha nova etapa de colaboración estratéxica no espazo atlántico.

Publicado: 29 setembro 2025 

A Universidade da Coruña estivo presente na conferencia temática da European Architectural History Network (EAHN), The Built Ocean, celebrada en Porto do 10 ao 13 de setembro de 2025. Neste encontro internacional, dedicado a explorar as relacións entre arquitectura e medio mariño, presentouse parte do traballo de investigación desenvolto no Sealabhaus.

O artigo titulado Galician Ocean and Architecture: Landscape, Production, Heritage and Sustainability analiza como a arquitectura vernácula galega evolucionou no dinámico límite entre terra e mar, adaptándose ás condicións oceánicas e ás necesidades produtivas dos oficios do mar. A través do estudo de construcións como os muíños de marea, as cetarias, os viveiros mariños e as bateas, ponse de relevo a estreita interdependencia entre as comunidades costeiras galegas e o medio mariño. Estas arquitecturas non só optimizan o uso dos espazos intermareales e oceánicos para a produción de alimentos e enerxía, senón que tamén conservan a memoria colectiva e o patrimonio cultural marítimo de Galicia. O traballo propón considerar estas prácticas como parte dunha paisaxe cultural emblemática, capaz de ofrecer estratexias sostibles e adaptables para o aproveitamento responsable dos recursos oceánicos.

A participación neste foro reforza o compromiso do Sealabhaus coa investigación aplicada e a proxección internacional.

Publicado: 23 xullo 2025

A Xunta de Galicia presentou o SEALab nun evento celebrado no Espazo museístico da carpintería de ribeira Estaleiro Ciprián en Outes (Galicia). Dna. Marta Villaverde, Conselleira do mar, participou no acto no que Dr. Óscar Fuertes, profesor da Universidade da Coruña e Investigador Principal de SEALabHaus puxo en valor o traballo de todos os socios do proxecto a través das distintas actividades e resultados que nutren o Laboratorio. Trátase dunha plataforma web que reúne boas prácticas, ferramentas técnicas, exemplos de proxectos sostibles e recursos orientados á acción local. Tamén participaron no evento Dra. Lucía Martínez Quintana, Directora do Departamento de Arte, Ciudad e Territorio da ULPGC e Dr. Diego Inglez de Souza, Investigador do Centro de Estudos de Arquitectura e Urbanismo da FAUP e comentaron as achegas que desde as súas universidades faise ao SEALab. Tamén participaron no encontro persoas e entidades que forman parte do Grupo de Acción Rexional de Galicia.

Publicado: 21 xullo 2025

Postúlate para ser unha das Iniciativas Piloto SEALabHaus aliñadas coa New European Bauhaus.

Buscamos proxectos innovadores, liderados pola comunidade ou creativos, situados en rexións costeiras da Área Atlántica. Os proxectos deben estar comprometidos coa sustentabilidade, a inclusión social e a transformación creativa.

Tanto se é unha iniciativa comunitaria de base, unha empresa privada local, unha start-up ou colectivo, unha autoridade local ou unha axencia pública, queremos saber como o teu proxecto apoia a economía costeira, a identidade cultural ou o medio natural — tamén se aceptan propostas en fase inicial.

Como presentar a solicitude?

1. Descarga o Cuestionario

2. Cúbreo e envíao ao correo electrónico de contacto da túa rexión*

3. Achega calquera material adicional (imaxes, PDFs, vídeos) se é relevante.

Publicado: 16 Xullo 2025

O proxecto SEALabHaus aparece destacado esta semana nas páxinas de La Voz de Galicia como exemplo dunha nova mirada cara ao litoral: unha que mestura saber local, patrimonio produtivo e sustentabilidade. No artigo recóllese o impulso institucional da Xunta de Galicia para activar proxectos piloto que exploren usos innovadores e sostibles do territorio mariño-costeiro. A implicación da Consellería do Mar e a súa aposta por fomentar proxectos piloto en enclaves costeiros reforza a ambición de SEALabHaus: facer da innovación territorial unha práctica situada, inclusiva e conectada coa identidade marítima.
SEALabHaus, coordinado desde a Universidade da Coruña no marco do programa europeo Interreg Atlantic Area, sitúa a Galicia, como xeradora de propostas que beben da tradición mariñeira, das arquitecturas vernáculas do mar e das capacidades das comunidades costeiras para reinventar o seu futuro.

Publicado: 24 Xuño 2025

As comunidades costeiras de Portugal están a revolucionar silenciosamente o concepto de circularidade ao combinar o coñecemento marítimo tradicional con novas ideas para lograr un desenvolvemento sostible e inclusivo. En Angeiras, un histórico pobo pesqueiro ao norte do Porto, os pescadores locais seguen reparando e reutilizando equipos e mantendo unha relación respectuosa co mar. Estas tradicións son unha forma de vida que inspira ás xeracións máis novas e aos profesionais creativos que traballan por un futuro máis sostible.

Este espírito comunitario alíñase co enfoque do proxecto SealabHaus, que aplica os principios de beleza, sustentabilidade e comunidade da Nova Bauhaus Europea para reinventar o patrimonio costeiro. En lugares como Matosinhos e Figueira dá Foz, arquitectos, surfeiros, chefs, pescadores e estudantes colaboran para transformar a vida cotiá na costa. Os aparellos de pesca refugados reutilízanse como ferramentas para a limpeza de praias e as visitas guiadas dirixidas por pescadores locais fomentan unha conexión máis profunda entre os visitantes e a cultura marítima.

Este artigo, publicado orixinalmente polo Equipo de Comunicación de Interreg, reflicte os valores compartidos dos proxectos de Interreg Atlántico como SealabHaus, que empoderan ás comunidades para co-deseñar o futuro da vida costeira coas mans na auga e a mirada no horizonte.

Publicado: 20 xuño 2025

Postúlate para ser unha das Iniciativas Piloto SEALabHaus aliñadas coa New European Bauhaus.

Buscamos proxectos innovadores, liderados pola comunidade ou creativos, situados en rexións costeiras da Área Atlántica. Os proxectos deben estar comprometidos coa sustentabilidade, a inclusión social e a transformación creativa.

Tanto se é unha iniciativa comunitaria de base, unha empresa privada local, unha start-up ou colectivo, unha autoridade local ou unha axencia pública, queremos saber como o teu proxecto apoia a economía costeira, a identidade cultural ou o medio natural — tamén se aceptan propostas en fase inicial.

Como presentar a solicitude?

1. Descarga o Cuestionario

2. Cúbreo e envíao ao correo electrónico de contacto da túa rexión*

3. Achega calquera material adicional (imaxes, PDFs, vídeos) se é relevante.

Publicado 08 maio 2025

O pasado martes 6 de maio presentouse o proxecto SEALabHaus  no marco das conversacións "Do mar á marca: o patrimonio marítimo como relato e recurso" da Semana TuriCiencia da Facultade de Turismo da UDC a través do punto de vista da internacionalización do coñecemento do patrimonio marítimo, dentro da área temática de arquitectura.

Na mesma xornada presentáronse tamén as propostas gañadoras da convocatoria ACD-Mar, laboratorio para o fomento da accesibilidade e inclusión de persoas con discapacidade na promoción do patrimonio cultural marítimo pesqueiro promovido pola Asociación para a Pesca e o Marisqueo (FUNDAMAR), a Asociación Amicos e a UDC.  O obxectivo da convocatoria é a de crear solucións de accesibilidade para entidades de economía social que ofertan servizos culturais relacionados co patrimonio material e inmaterial do sector marítimo pesqueiro para capacitar a estas experiencias co necesario para chegar a todas as persoas, independentemente das súas capacidades físicas ou cognitivas.

Publicado: 26 marzo 2025

No marco do proxecto europeo SeaLabHaus, a Universidad de Las Palmas de Gran Canaria (ULPGC) organiza o IV Foro Transnacional dedicado a Arte e Cultura do Espazo Atlántico. Este evento terá lugar os días 3 e 4 de abril na Escola Superior de Arquitectura das Palmas e reunirá aos doce socios do proxecto, xunto cos axentes do territorio canario que forman parte do Grupo de Acción Rexional.

O foro servirá como un espazo de encontro para o intercambio de ideas, experiencias e estratexias en torno ao papel da arte e a cultura na identidade e o desenvolvemento do Espazo Atlántico. A través de relatorios, talleres e visitas, abordaranse cuestións crave como a sustentabilidade, a innovación e a participación cidadá en proxectos culturais e arquitectónicos.

Publicado: 21 Febreiro 2025

O pasado 20 de febreiro, celebrouse unha reunión de coordinación entre a Xunta e a Universidade da Coruña (UDC) en Santiago de Compostela, na que participou Marta Villaverde, directora xeral de Desenvolvemento Pesqueiro da Xunta de Galicia e Óscar Fuertes, profesor da UDC e investigador principal do proxecto SEALabHaus. Durante o encontro, abordáronse temas clave relacionados coa implantación e deseño da plataforma SEALab, o laboratorio do arco atlántico, que estará dispoñible proximamente. Esta plataforma innovadora promete ser un recurso esencial para a difusión do proxecto SEALabHaus e actuará como un conector entre proxectos e comunidades que xa traballan en temas relacionados co mar, as políticas, a industria e a sociedade. Inspirada na Nova Bauhaus Europea, a plataforma fomentará a colaboración en áreas como a profesionalización, a educación, o turismo, a arte, a cultura e a arquitectura marítima e sostible.

Publicado: 11 Decembro 2024

O 21 de novembro pola tarde celebrouse na sede da Royal Dublin Society o primeiro seminario rexional da sección irlandesa do proxecto SEALabHaus.

A reunión convocouse para que coincidise coa Conferencia sobre o coñecemento dos océanos que se celebraba no mesmo lugar. Animouse aos participantes do seminario rexional a que tamén aproveitasen a oportunidade de asistir á conferencia, e moitos decidiron facelo.

Convidouse a todos os membros do recentemente formado Grupo de acción rexional do SeaLabHaus irlandés a asistir e contribuír á sesión da tarde.

Publicado: 11 Decembro 2024.

O 25 de outubro, a Universidade de Las Palmas de Gran Canaria (ULPGC) acolleu con gran éxito un seminario rexional no marco do proxecto SeaLabHaus. Este evento reuniu ás partes interesadas e socios locais para colaborar no deseño de SEALab: unha plataforma colaborativa destinada a fomentar solucións sostibles para a rexión atlántica.

Durante o seminario, os participantes, incluídos os principais socios do proxecto e as partes interesadas rexionais, intercambiaron ideas e mellores prácticas para o desenvolvemento dun laboratorio marítimo transnacional. Esta iniciativa forma parte dun esforzo máis amplo para promover un enfoque máis sostible, inclusivo e belo do turismo azul, en consonancia cos principios da Nova Bauhaus Europea.

Co obxectivo de mellorar o uso sostible dos recursos mariños e costeiros, o proxecto SeaLabHaus ten como obxectivo transformar a cadea de valor do turismo azul na área Atlántica. Ao integrar solucións modernas co patrimonio cultural, o proxecto busca garantir a resiliencia e o benestar a longo prazo das comunidades costeiras.

Publicad: 2 Outubro, 2024

No marco do proxecto SeaLabHaus, a UBS organiza o martes 8 de outubro en Vannes un foro transnacional sobre turismo e cultura. Reunirá aos doce socios académicos e socioeconómicos do proxecto, que abarca Francia, Irlanda, España e Portugal. O foro é un momento importante de coordinación entre os socios. Tamén é unha oportunidade para que o territorio comparta os seus proxectos e a súa experiencia en materia de turismo e cultura.

Publicado: 2 Outubro 2024

O primeiro Seminario Rexional do Grupo de Acción Rexional de Portugal do proxecto SEALabHAUS foi organizado por AD ELO o 20 de setembro en Cabedelo/Figueira dá Foz.

Contou coa participación de organizacións socias de todo o país. O evento centrouse no "Deseño do Laboratorio do Espazo Atlántico, SEALab", e facilitou un intenso intercambio de contribucións e puntos de vista. Ademais, o evento destacou a presentación dunha ampla gama de boas prácticas que se aliñan cos obxectivos do proxecto.

Publicado: 24 Setembro2024

O pasado 19 de setembro a Xunta de Galicia reuniu ás entidades que conforman o Grupo de Acción Rexional de Galicia en Santiago de Compostela para celebrar o I Seminario Rexional. Co principal obxectivo de consolidar os primeiros pasos para a creación do laboratorio do mar, o SEALab. A través da participación activa dos asistentes, buscouse obter unha selección de exemplos de boas prácticas e problemáticas ou necesidades futuras a nivel rexional, que tras a súa análise e valoración poderán ser incorporadas na futura plataforma virtual do SEALab.

Os seminarios rexionais xorden como resposta á necesidade de xerar un punto de encontro no que se desenvolva a reflexión e intercambio de ideas sobre o mar e a súa relación coas diferentes temáticas que se expoñen no proxecto SEALabHaus: Turismo azul, Arte e cultura, Arquitectura, Mar e sustentabilidade e Profesionalización e formación. Celebraranse cunha periodicidade anual e neles traballarase de maneira colectiva para consolidar unha Comunidade Atlántica que fomente o intercambio de experiencias e boas prácticas entre os seus membros.

A xornada matinal organizouse en tres bloques. Durante o primeiro bloque, A Xunta de Galicia, presentou o laboratorio do mar, o SEAlab, unha plataforma virtual, colaborativa e aberta que se destinará a integrar os materiais e resultados derivados do proxecto de investigación SEALabHaus, así como a incluír á Comunidade Atlántica, representada polos Grupos de Acción Rexional, e as súas achegas. No segundo bloque a UDC mostrou a selección de boas prácticas achegadas por cada un dos membros do Grupo de Acción Rexional de Galicia. Por último, durante o terceiro bloque da xornada, realizouse unha posta en común das problemáticas e necesidades futuras específicas de cada sector achegadas polos membros do Grupo de Acción Rexional, para así buscar a maneira na que poderá axudar á creación do laboratorio do mar, o SEALab, na procura de solucións ou vías de apoio mutuo.

Publicado: 24 Xullo 2024

A imaxe gráfica no seu conxunto é contemporánea, minimalista, dinámica e atemporal. Representa un nome baseado en tres termos cunha forte identidade: SEA en referencia ao océano (turismo azul), Lab á investigación (arte, cultura e ciencia) e HAUS a unha arquitectura sostible. 

O logo presenta tres estratos ben definidos que se superpoñen de forma delicada, representando unha dirección común fluída:

• un círculo aberto ao mundo e ás súas diversidades situado no alto, como un sol, achegando a enerxía dunha relación sa cos seres vivos e mirando cara ao futuro,

• as formas repetidas avogan por un movemento creativo e progresivo de benestar e construción razoada e sostible, laboratorio de experimentos artísticos e científicos nun hábitat reflexivo,

• catro liñas ondulan como un océano en movemento, refuxio da biodiversidade mariña e corrente fundadora da vida submarina.

Publicado: 01 Xullo 2024

No marco da participación da FAUP no proxecto SeaLabHaus - 'Novo Laboratorio Atlántico da Bauhaus para un Turismo Azul, Patrimonio e Cultura do Mar Sostible, Inclusivo e Bello', financiado polo INTERREG - Programa Espazo Atlántico, celebrarase o II Foro Transnacional sobre o Mar e a Sustentabilidade realizarase os días 4 e 5 de xullo de 2024, na FAUP (Facultade de Arquitectura de Porto, Portugal).

O Foro será un momento de reunións, debates e actividades para cocrear estratexias e prácticas innovadoras para apoiar o desenvolvemento do turismo relacionado co mar.

Este é tamén o momento en que representantes das organizacións socias e do Grupo de Acción Rexional terán a oportunidade de visitar algúns dos sitios previamente seleccionados polos investigadores da FAUP e coñecer proxectos e prácticas que suxiren alternativas para conciliar as dinámicas económicas asociadas ao turismo coa sensibilización. dos seus impactos ambientais, tanto no mar como na contorna construída e nas comunidades costeiras.

Publicado: 08 Maio 2024

PROGRAMA

10:00 - 10:30  Apertura oficial do Foro transnacional Arquitecturas do mar e a súa paisaxe asociada.
Miguel Abelleira, Director da ETSAC
Marta Villaverde, Directora xeral de Desenvolvemento Pesqueiro da Xunta de Galicia
Óscar Fuertes, Investigador Principal SEALabHaus

10.30 - 11.00  Casetas de Quilmas e Intervencións en bordos marítimos. CREUSeCARRASCO. Juan Creus, Covadonga Carrasco.

11.00 - 11.30  Rehabilitación do Astilero tradicional Ciprián e Casetas de praia en Valdoviño. Fortes-Penedo. Óscar Fuertes, Iago Fernández Penedo.

11:30 - 12.30  Pausa café

12:30 - 13:00  Rehabilitación da fábrica de salgadura, Porto de Aldán. Alfonso Penela.

13:00 - 14:00  Actividades participativas

16:00 - 16:30  Intervención de Alfonso Villares. Conselleiro do Mar da Xunta de Galicia.
Sonia Vázquez Díaz, Vicerreitora de Infraestruturas e Sustentabilidade da Universidade da Coruña

16:30 - 17:00  Restauración de casetas de pescadores, Porto de Mutriku. XLARK arquitectos. Miriam Varela, Santi Lorenzo.

17:00 - 17:30  Adecuación de antiga cetaria, Tapia de Casariego. Jovino Martínez Sierra Arquitectos.

17:30 - 18:00  Adecuación paisaxística e intervención en Almadraba, Lepe. Sol89. María González, Juanjo López.

18:00 - 19:00  Actividades participativas

O foro exponse como un lugar de encontro para a reflexión acerca das arquitecturas do mar e a súa paisaxe asociada, de como estas edificacións moldearon a costa galega.

O establecemento dos distintos oficios tradicionais relacionados co mar, que aos poucos evolucionaron en industrias, ao longo da liña divisoria entre terra e mar, deu como resultado o asentamento arquitectónico de diferentes construcións características que hoxe son pegada dunha cultura específica: a cultura marítima de Galicia.

Construcións litorais e a súa paisaxe asociada: fábricas de salgadura, fábricas baleeiras, fábricas conserveiras, serradoiros, carpinterías de ribeira, estaleiros tradicionais, cetarias, muíños de mareas e construcións adxectivas (que engloba o conxunto de ramplas, secadoiros ou casetas de pescadores, entre outros), entendidas como arquitecturas vernáculas, de costura, de transición ou do mar, que son edificacións esenciais e libres de prexuízos de deseño, onde a forma é o resultado da función e a adaptación ao medio.

Co obxectivo xeral de mostrar unha visión contemporánea na que o estudo das boas prácticas a través da recuperación arquitectónica e da memoria colectiva dos oficios, permita a posta en valor do conxunto do patrimonio marítimo.

Publicado: 13 Marzo 2024

O pasado 13 de marzo de 2024 celebrouse online a reunión de lanzamento do proxecto SEALabHaus que reuniu a representantes de todas as asociacións socias que foron acollidas ao proxecto pola Universidade da Coruña, como socio principal do mesmo. Durante a reunión presentáronse os socios: Universidade da Coruña, Xunta de Galicia, Universidade das Palmas de Gran Canaria (ULPGC), Medatlantia Consultoría Europea, Lab LEIGO - Université Bretagne Sud - Vannes (UBS), Ecole Européene Supérieure D' Art de Bretagne (EESAB), Brest Métropole, Associação de Desenvolvemento Local dá Bairrada e Mondego (AD ELO), Universidade do Porto, South East Technological University (RIKON Research Center - SETU), University College Dublin (UCD School of Computer Science), WIN Consultants. Despois das presentacións, fíxose unha descrición xeral do proxecto e discutíronse unha serie de cuestións técnicas, de xestión e de comunicación.

Publicado: 08 Xaneiro 2024

Descobre SeaLabHaus e os outros 26 proxectos aprobados na primeira convocatoria Interreg Espazo Atlántico 2021-2027 categorizados por prioridades temáticas, o resumo de proxecto e os socios que o desenvolverán, sendo o Socio principal a UDC.

Publicado: 22 Novembro 2024

A OTRI (Oficina de Transferencia de Resultados de Investigación da Universidade da Coruña) celebra a aprobación de SeaLabHaus e outros dous proxectos Interreg Espazo Atlántico nos que participa a UDC, e recoñece o esforzo dos investigadores que estiveron traballando duro para participar nesta primeira convocatoria.