Como xa informamos nas asembleas, o contrato do seguro médico (Adeslas) vinculado á acción social do PTXAS non era posible estendelo máis anos. Dende xullo traballouse na busca dunha solución que permitira manter un seguro coas mesmas coberturas que tiñamos ata agora sen incrementar o seu prezo.  

 

Ao explorar a posibilidade de licitar un novo contrato atopámonos coas seguintes dificultades: non había tempo para negociar un seguro sen correr o risco da interrupción da cobertura médica e manter as mesmas condicións actuais co mesmo custo non era viable. 

 

Neste escenario a Xunta de Persoal, coa axuda do Servizo de PTXAS, comezou negociar con Adeslas a posibilidade de manter as mesmas coberturas e o mesmo prezo da póliza actual e coa xerencia un novo modelo de xestión da acción social. 

 

Adeslas aceptou seguir coas mesmas condicións da póliza que tiñamos ata agora. Deste xeito, no ano 2026 haberá un incremento dun 3% no importe (vinculado ao IPS anual), manteranse as mesmas coberturas, o mesmo cadro médico, as mesmas condicións para familiares e a ampliación para os compañeiros e compañeiras que se xubilan sen a necesidade de realizar a enquisa de saúde. Sobre este punto a Xunta de Persoal solicitou á Xerencia que a institución asumise a subida do 3% nas contías. 

 

A xerencia aceptou, no marco da negociación, aboar na nómina as contías da acción social e asumir o incremento do ano 2026. Deste modo a partir de xaneiro do ano que ven todo o colectivo percibirá na nómina o concepto da acción social repartido en 12 pagas e eliminarase a convocatoria anual e polo tanto a necesidade de achegar os xustificantes necesarios. O importe bruto coa subida do 3% que se percibirá a partir de xaneiro é de 30,52€.  

 

Adeslas indica que para continuar coas coberturas médicas é necesario renovar individualmente as pólizas das persoas que decidan continuar, dado que é unha nova póliza, e tamén das que queiran contratar o seguro. Por outra banda o importe da póliza satisfarase a través dun recibo polo que é necesario aportar os datos bancarios á aseguradora. 

Ademais sinalan a necesidade de EMITIR UNHA NOVA TARXETA PARA CADA ASEGURADO/A. 

 

IMPORTANTE:  

Polas datas nas que estamos URXE que todos/as aqueles/as compañeiros/as que queiran continuar co seguro de saúde cubran o formulario que achegamos. O motivo é que a aseguradora precisa de tempo para xestionar todas as solicitudes e a emisión das novas tarxetas antes do 1 de xaneiro do 2026. 

Unha vez cuberto o formulario hai que envialo por correo electrónico á seguinte dirección:  

lopezj@agente.segurcaixaadeslas.es  

Para calquera dúbida ou tema relacionado coa póliza e de procedemento pódese contactar con:  

Juana López Pérez (persoa de Adeslas que tramita os contratos do PTXAS da UDC) 

Móbil: 667 951 593 

 

Para informar da póliza negociada con Adeslas achegamos o documento co resumo das coberturas e as cotas para o ano 2026.