UDC: RSS: Actualidade: PDI

A Universidade da Coruña acollerá dous congresos internacionais, de Cosmoloxía e Física Solar, na semana da eclipse

Tue, 28 Apr 2026 12:21:58 +0200

Do 10 ao 14 de agosto celebraranse o “New Frontiers in Cosmology”, que contará con referentes nesta área científica e o “Third Solar MHF Conference”, centrado na Física Solar
A Universidade da Coruña organizará tamén diversas actividades divulgativas ao longo dos próximos meses dirixidas a público xeral

A Coruña, 28 de abril de 2026

A Universidade da Coruña acollerá do 10 ao 14 de agosto dous congresos internacionais, o Third Solar MHD Conference e o New Frontiers in Cosmology, coincidindo co fenómeno da eclipse. Dúas citas para especialistas na materia que contan coa colaboración da Universidade da Coruña.

Así, do 10 ao 14 de agosto de 2026, o Paraninfo da UDC convertirase na sede dun encontro internacional de cosmoloxía, organizado polo Centro de Física Cosmolóxica de Berkeley (Universidade de Berkeley, California), a Fundación Simons e a Universidade da Coruña. Durante esa semana daranse cita na Reitoría máis de 300 investigadores de primeira orde procedentes de países de todo o mundo.

Nun momento no que a cosmoloxía está a dar pasos importantes pola dispoñibilidade de grandes volumes de datos procedentes de experimentos punteiros como DESI, Euclid, Rubin, o Observatorio Simons e outros que están revolucionando este campo da ciencia, esta conferencia servirá de plataforma para debater como as novas técnicas, especialmente na análise de datos mediante intelixencia artificial, poden levar a nosa comprensión cara a novos horizontes.

Nesas mesmas datas o Centro de Investigación TIC (CITIC) da UDC, no Campus de Elviña, acollerá a Third Solar MHD Conference, unha cita centrada na física solar cun enfoque práctico. A axenda da MHD Conference é especializada, cubrindo temas avanzados como as observacións de eclipses e coronais, o uso de machine learning e big data en física solar, así como modelos de plasma multifluido.

Un programa divulgativo para coñecer máis o noso ceo

En materia de divulgación, desde a Unidade de Divulgación Científica da UDC estanse a poñer en marcha varias iniciativas para ofrecer ao público non especializado diferentes claves que permitan entender mellor este fenómeno, así como recomendacións para ter unha boa visualización e desfrutar da experiencia con seguridade.

A primeira delas desenvolverase esta semana, coincidindo co feito de que de o día 30 de abril a posición do Sol será prácticamente a mesma que a prevista para o próximo 12 de agosto, co que será unha boa ocasión para testar os mellores puntos de visión. Neste caso trátase dunha actividade dirixida á comunidade universitaria que se fará no Planetario da Escola Técnica Superior de Náutica e Máquinas. Así, o día 29 esta instalación acollerá a sesión “Navegando polas estrelas”, a cargo de Alsira Salgado e Ángel Arós.

Unha sesión que combinará a posta en valor o planetario como recurso científico e didáctico e a súa utilidade para comprender o ceo e a astronomía vinculada á navegación con explicacións científicas vencelladas ao eclipse do 12 de agosto incluindo as claves para a unha boa observación e as medidas de seguridade que se deberán adoptar para facelo de modo axeitado e responsable.

Xa por último, Xabier Pérez Couto (@astroxabi), investigador predoutoral no CITIC, membro do Laboratorio Interdisciplinar de Aplicacións da Intelixencia Artificial (LIA2) e participante no proxecto Smart Data para unha análise multicolor da Vía Láctea en Gaia.UDC, será o encargado do obradoiro “Cando a Lúa apaga o Sol: a gran eclipse de 2026 na Coruña” que se celebrará no mes de xuño no MUNCYT.

O obradoiro combinará unha explicación divulgativa sobre a eclipse, en que se analizarán os intereses científicos asociados a este fenómeno, con orientacións para a súa observación segura.

Voluntariado para a reparación da charca do Monte da Fraga

Tue, 28 Apr 2026 12:12:27 +0200

O vindeiro xoves, 7 de maio, terá lugar unha actividade de voluntariado ambiental no Monte da Fraga, para a reparación da charca construída ao abeito de Charcas con vida, para a mellora da biodiversidade da contorna. Con estas accións, contrubúese ao seu mantemento para albergar fauna e flora diversa e propia de ecosistemas húmidos.

O programa é o seguinte:

Hora e Punto de encontro: ás 16:00 h, na porta da Facultade de Ciencias (A Zapateira).
Hora estimada de remate: 18:00 h.

Actividade suxeita ao recoñecemento de créditos para o estudantado da UDC (1C=20h. dedicación).

As prazas son limitadas, é necesario anotarse no seguinte FORMULARIO DE INSCRICIÓN.

Actividade monitorizada pola Asociación ecoloxista ADEGA, e financiada pola Oficina de Sustentabilidade da UDC, no marco do convenio sectorial de colaboración entre a Concellaría de Medio Ambiente do Concello da Coruña e a Oficina de Sustentabilidade da Universidade da Coruña para a execución do proxecto de custodia e voluntariado ambiental no Monte da Fraga, no ano 2026.

Lista definitiva de admitidos/as y fechas - Prueba de idoneidad Oficial de Máquinas de 2ª Clase de la Marina Mercante

Tue, 28 Apr 2026 11:52:28 +0200

Se publica la lista definitiva de aspirantes admitidos y la fecha de realización de la prueba de idoneidad para la obtención del título profesional de Oficial de Máquinas de 2ª Clase de la Marina Mercante.

Aspirantes admitidos