Revistas UDC

. . . . . . .

O Anuario da Facultade de Ciencias do Traballo ten como obxectivo divulgar a problemática presentada polas relacións laborais na sociedade desde a perspectiva xurídico-laboral, psicolóxica, económica ou sociolóxica, con especial atención ao estudo e desenvolvemento das relacións laborais en Galicia. Ten periodicidade anual e está editada pola Facultade de Ciencias do Traballo e o Servizo de Publicacións da UDC.

Anuario da Facultade de Dereito da Universidade da Coruña. Revista xurídica interdisciplinar internacional [AFDUDC]

Dirección: Natalia Álvarez Lata

ISSN: 1138-039X (impresa, vols. 1-19; acceso aberto en RUC)

e-ISSN: 2530-6324 (dixital OJS, acceso aberto)

1997–

. . . . . . .

O Anuario da Facultade de Dereito é a revista científica deste centro da UDC: ten vocación interdisciplinaria e procura recoller as achegas doutrinais dos investigadores nacionais e estranxeiros que desexen poñer de manifesto o resultado das súas investigacións á comunidade científica na esfera xurídica.

Ten periodicidade anual e conta con catro seccións principais: unha primeira adicada a artigos doutrinais; unha segunda de comentarios de xurisprudencia; unha terceira de recensións; e unha cuarta de miscelánea.

Ápice. Revista de Educación Científica [AREC]

Dirección: Susana García Barros

e-ISSN: 2531-016X (dixital OJS, acceso aberto)

2017–

. . . . . . .

Ápice. Revista de Educación Científica [AREC] é a revista oficial da Asociación Española de Profesores e Investigadores de Didáctica de las Ciencias Experimentales (ÁPICE), e está coeditada pola Universidade da Coruña e esta asociación. É unha publicación electrónica de acceso aberto con periodicidade semestral e revisión por pares. O seu obxectivo é difundir investigacións e innovacións no campo da didáctica das ciencias, e favorecer o intercambio de ideas e aportacións entre investigadores/as, profesorado interesado na mellora da súa práctica educativa e formadores docentes. Este carácter académico-investigador e divulgativo reflíctese nos eixos de interese das súas seccións: a investigación e a innovación en educación científica, e a recensión e noticias de novidades nas súas áreas de estudo.

Atlánticas. Revista Internacional de Estudios Feministas [ARIEF]

Dirección: Rosa Cobo Bedia

e-ISSN: 2530-2736 (dixital OJS, acceso aberto)

2016–

. . . . . . .

Atlánticas. Revista Internacional de Estudios Feministas nace no marco do Centro de Estudos de Xénero e Feministas (CEXEF), espazo de investigación, formación e diálogo da UDC ao redor dos estudos de xénero e/ou feministas. É unha revista de teoría feminista que se dirixe sobre todo aos lectores peninsulares e de América Latina, de enfoque interdisciplinar e con sistema de revisión externa por pares de dobre cego. Acepta traballos orixinais en castelán, galego, inglés e portugués.

A súa periodicidade é semestral, e cada número incorpora un monográfico con diversos traballos, varios artigos de temática libre e recensións sobre libros de actualidade.

BAc Boletín Académico. Revista de Investigación y Arquitectura Contemporánea [BAc]

Dirección: Fernando Agrasar Quiroga

ISSN: 0213-3474 (1.ª época; impresa; dixitalizada con acceso aberto en RUC¹)

e-ISSN: 2173-6723 (2.ª época, dixital OJS, acceso aberto; tamén dispoñible en RUC²)

1985–2002 (1.ª época); 2011– (2.ª época)

. . . . . . .

BAc Boletín Académico é a revista científica da Escola Técnica Superior de Arquitectura da UDC sobre arquitectura contemporánea. Edítase en formato Open Journal Systems, con periodicidade anual, e segue o procedemento de revisión por pares de dobre cego.

Cada número adícase a un tema específico, e recolle artigos de investigación orixinais, inéditos e especializados. Publícase en inglés e español/galego/portugués.

Cadernos Lab Xeo Laxe_39_700px_Web

Cadernos do Laboratorio Xeolóxico de Laxe. Revista de Xeoloxía Galega e do Hercínico Peninsular [CADLAXE]

Dirección: Juan Ramón Vidal Romaní

ISSN: 0213-4497 (impresa)

e-ISSN: 2173-6936 (dixital, acceso aberto en web)

1980–

Web

. . . . . . .

Os Cadernos do Laboratorio Xeolóxico de Laxe é unha publicación anual do Instituto Universitario de Xeoloxía Isidro Parga Pondal, que ademais incorpora números extraordinarios intercalados de carácter monográfico. Está adicada á xeoloxía de Galicia en xeral, e particularmente ao período hercínico; inclúe tamén referencias ao hercínico na Península Ibérica ou casos que o seu comité científico considera de interese. Acolle traballos orixinais de investigación, revisión ou síntese en calquera lingua oficial da Unión Europea.

DIGILEC: Revista Internacional de Lenguas y Culturas [DIGILEC]

Dirección: Pilar Couto Cantero

e-ISSN: 2386-6691 (dixital OJS, acceso aberto)

2014–

Web

RUC

. . . . . . .

DIGILEC: Revista Internacional de Lenguas y Culturas formúlase como un medio de difusión para os traballos de investigación vinculados ás áreas de Didáctica da Lingua e a Literatura e Ciencias Sociais. Con periodicidade anual, acolle tamén achegas científicas nas didácticas específicas e interdisciplinares, así como rescates de textos e recensións de interese didáctico.

As linguas de difusión desta revista, nacida no seo do grupo de investigación DILEC da UDC, son principalmente: castelán, galego, inglés e francés. A revista ten como primeiro obxectivo reunir estudos e experiencias didácticas de distintos grupos de investigación e de profesionais que traballan en ámbitos universitarios e noutros niveis educativos.

European Journal of Government and Economics [EJGE]

Dirección: José Manuel Sánchez Santos

e-ISSN: 2254-7088 (dixital OJS, acceso aberto)

2012–

Web

RUC

. . . . . . .

Dialnet

European Journal of Government and Economics (EJGE) é unha revista académica internacional con revisión por pares, dirixida á investigación de todo o relacionado co goberno e a economía. EJGE está especialmente interesada en cuestións de actualidade relativas á interrelación entre o ámbito do goberno e o da economía, desde a influencia do goberno na economía (política económica) ata as explicacións económicas do goberno (a elección pública).

European Journal of Podiatry / Revista Europea de Podología [ejPod]

Dirección: Daniel López López

e-ISSN: 2445-1835 (dixital OJS, acceso aberto)

2015–

. . . . . . .

European Journal of Podiatry / Revista Europea de Podología ten como obxectivo constituír unha fonte pluralista de perspectivas, adicada a dar a coñecer traballos de investigación sobre a saúde en xeral e, en especial, do pé; está orientada á transferencia de coñecemento na área de Podoloxía e de disciplinas afíns. Acepta traballos orixinais en castelán, portugués e inglés, ten sistema de avaliación por pares externos externos de dobre cego, e segue os criterios marcados para as revistas biomédicas e da saúde publicadas polo International Committee of Medical Journal Editors. É unha revista de periodicidade semestral.

LyT_39_700px_Web

Lenguaje y Textos. Revista de la Sociedad Española de Didáctica de la Lengua y la Literatura [LyT]

Dirección: Josep Ballester Roca

ISSN: 1133-4770

1992–

. . . . . . .

A revista Lenguaje y Textos, publicada pola Sociedad Española de Didáctica de la Lengua y la Literatura, naceu co ánimo de constituír un espazo de referencia da investigación científica e de innovación no ámbito da ensinanza e aprendizaxe de linguas e literaturas de todos os niveis educativos relacionados coa educación formal e non formal.

De periodicidade bianual desde 1991, ten como obxectivo fundamental dar a coñecer traballos e investigacións de calidade vencellados á área de Didáctica da Lingua e a Literatura desde diferentes enfoques. Pretende, pois, promover e difundir con rigor a produción académica e profesional neste campo, polo que constitúe un punto de encontro para todos os profesionais relacionados con esta área de coñecemento.

Nestes momentos publícana en coedición as universidades de A Coruña, Alicante, Almería, Barcelona, Cádiz, Católica de Valencia, Complutense de Madrid, Córdoba, Granada, Huelva, Jaén, Málaga, Murcia, Santiago de Compostela, Valladolid e Zaragoza.

Revista de Estudios e Investigación en Psicología y Educación [REIPE]

Dirección: Alfonso Barca Lozano

e-ISSN: 2386-7418 (dixital OJS, acceso aberto)

2014–

Indexada en: DOAJ | ISOC | Latindex

. . . . . . .

REIPE é continuación da Revista Galego-Portuguesa de Psicoloxía e Educación, fundada en 1997 a raíz da celebración do II Congreso Galego-Portugués de Psicopedagoxía. Desde os seus comezos foi editada conxuntamente pola Universidade do Minho (Braga, Portugal) e a Universidade da Coruña (A Coruña, España).

Ten como obxectivo principal proporcionar a análise, debate e intercambio teórico-conceptual, metodolóxico e aplicado sobre temas relevantes na actualidade e que se relacionan coas principais áreas temáticas da psicoloxía e a educación. Publica traballos e estudos orixinais derivados da análise e a reflexión dos autores e que, desde un ángulo psicolóxico ou educativo, se centren ou repercutan, de modo directo o indirecto, no campo da educación formal, non formal ou informal.

REIPE está aberta a todos aqueles profesionais da psicoloxía e a educación que reflexionan sobre temas psicoeducativos vivos e relevantes na actualidade, a todos os que investigan e aplican os seus coñecementos e aportacións orixinais á mellora e innovación psicopedagóxica en toda a súa extensión.

Revista de Lexicografía [RLex]

Dirección: Juan Gutiérrez Cuadrado, José Ignacio Pérez Pascual

ISSN: 1134-4539 (impresa; dixital con acceso aberto en RUC)

e-ISSN: 2603-6673 (dixital OJS, vols. XXI en diante, acceso aberto)

1994–

. . . . . . .

A Revista de Lexicografía é unha publicación científica especializada de carácter anual, consagrada aos estudos lexicográficos e editada polo Departamento de Filoloxía Española e Latina da Universidade da Coruña.

O seu obxectivo é ofrecer aos investigadores deste campo un lugar de publicación, dado que é un dominio non atendido suficientemente, establecer un medio periódico de divulgación de todo tipo de traballos lexicográficos —tanto na súa faceta diacrónica como sincrónica— que poda mesmo servir de plataforma para outro tipo de actividades.

Revista Galega de Filoloxía [RGF]

Dirección: Xosé Manuel Sánchez Rei

ISSN: 1576-2661 (impresa, vols. 1-17; dixital con acceso aberto en RUC)

e-ISSN: 2444-9121 (dixital OJS, vols. 16 en diante, acceso aberto)

2000–

. . . . . . .

A Revista Galega de Filoloxía conságrase á publicación de traballos de investigación que desenvolveren algún aspecto lingüístico ou filolóxico do ámbito galego-portugués, como tamén á promoción e ao coñecemento da lingua no seo da sociedade. Do mesmo xeito, serán obxecto de consideración para seren publicadas as recensións de obras que trataren algún tema relacionado coa lingüística en xeral, ou coa galega e portuguesa en particular.

Revista Latina de Sociología [RELASO]

Dirección: Antón Álvarez Sousa

e-ISSN: 2253-6469 (dixital OJS, acceso aberto)

2011–

. . . . . . .

A Revista Latina de Sociología é unha publicación anual que ten como obxectivo fomentar e difundir a investigación e a reflexión sobre a sociedade nun mundo globalizado de constantes cambios no que tanto a estrutura social como a vida das persoas se atopan en proceso de transformación constante.

Inda que poden aceptarse artigos de autores de calquera parte do mundo e referidos a calquera sociedade, as súas reflexións fundamentais versarán sobre temas relacionados cos distintos países de Europa e América.

ROTUR. Revista de ocio y turismo [ROTUR]

Dirección: María José Andrade Suárez

e-ISSN: 1888-6884 (dixital OJS, acceso aberto)

2008–

. . . . . . .