Creada en 1989 cun enfoque innovador, a Universidade da Coruña aposta polo seu futuro a través do desenvolvemento dunha investigación internacional baseada na calidade e que contribúa ao avance cultural, social e económico da sociedade.

É unha institución moderna, innovadora e dinámica que está fortamente comprometida coa educación integral dos seus estudantes: á ampla e sólida oferta académica únenselle específicos programas culturais, de cooperación, igualdade, de lecer, deportivos, entre outros.

Estrutúrase en dous Campus: o de A Coruña e o de Ferrol, con diferentes titulacións en cada un deles, e radicados en dúas estupendas cidades á beira do mar.

A Universidade da Coruña considera prioritaria a súa internacionalización. A captación de talento é polo tanto, esencial, xa que permite atraer investigadores altamente cualificados de todo o mundo, xerando unha contorna académica diversa e competitiva. A través de diversas convocatorias, centralizadas na OCPI, a UDC céntrase en atraer científicos con traxectorias de excelencia, como os beneficiarios de axudas Ramón y Cajal, Beatriz Galindo, MSCA Actions, ERC Grants... Isto non só reforza a capacidade da universidade para desenvolver investigación avanzada, senón que tamén incrementa a súa visibilidade a nivel internacional, fomentando colaboracións estratéxicas con outras institucións. O esforzo por atraer e reter talento investigador ten un impacto positivo na proxección científica da universidade, permitindo consolidar áreas de investigación emerxentes e estratéxicas que son chave para o crecemento da universidade.