A Coruña, 14 de febreiro de 2023.- Desde a Vicerreitoría de Estudantes, Participación e Empregabilidade da Universidade da Coruña organízase unha xuntanza híbrida (presencial e virtual) co persoal dos departamentos de Orientación dos centros de bacharelato e ciclos formativos de grao superior de Galicia.

A xuntanza, á que xa confirmaron asistencia un total de 300 orientadores e orientadoras, terá lugar este xoves, 16 de febreiro, no Centro de Investigación en Tecnoloxías da Información e as Comunicacións (CITIC) da UDC.

Programa

09:30h. Recepción

10:00h. Benvida da vicerreitora de Estudantes, Participación e Empregabilidade, María José Lombardía Cortiña.

10:15h.–11:00h. ABAU – Preinscrición: Calendario e Novidades para o 2023. Delegado do Reitor da UDC ante a CIUG, Pedro Armas Diéguez.

11:00h.–11:30h. Oferta Académica da UDC. Presentación do catálogo de titulacións de grao da UDC: graos consolidados e singulares. Vicerreitora de Planificación Académica e Innovación Docente, Nancy Vázquez Veiga.

11:30h.–12:15h. Mesa redonda: Fenda de Xénero nos estudos TIC. Moderadora: Vicerreitora de Estudantes, Participación e Empregabilidade, María José Lombardía Cortiña. Participantes: Verónica Bolón Canedo, coordinadora na UDC do Programa Inspira STEAM; Susana Ladra González, directora do Campus Innova-UDC; Virginia Mato Abad, directora da Cátedra ALBADA-WIB (Women, ICT & Business).

12:15h.–12:30h. Campañas de divulgación e vida universitaria da UDC. Vicerreitora de Estudantes, Participación e Empregabilidade, María José Lombardía Cortiña.

12:30h. Clausura. Vicerreitora de Estudantes, Participación e Empregabilidade, María José Lombardía Cortiña.

12:30 Pausa-café

13:00h.Visita guiada ás instalacións do CITIC.