Seguindo o establecido na Convocatoria de Admisión e Matrícula nos Programas Formativos 2023-2024 da Universidade Sénior da Universidade da Coruña, logo de finalizado o prazo de matrícula correspondente ao 2º chamamento, publícanse actualizacións das listas de alumnado admitido e listas de agarda nos diferentes programas e actividades complementarias nos que procede.

Deste xeito, xa poden ser consultadas nesta páxina web e nos taboleiros de anuncios das sedes da Coruña e Ferrol, as seguintes listas:

• Lista de alumnado admitido en 1º curso (alumnado de novo ingreso), no campus da Coruña
• Lista de agarda de alumnado de novo ingreso (1º curso), no campus da Coruña
• Lista de alumnado admitido no Programa de Formación Específica "Historia, Ciencia e Sociedade", no campus de Ferrol
• Lista de agarda do Programa de Formación Específica "Historia, Ciencia e Sociedade", no campus de Ferrol
• Listas de alumnado admitido e de agarda nalgúns dos Talleres (Actividades Complementarias) nos campus da Coruña e Ferrol.

Coa publicación destas actualizacións, o alumnado que figure nas novas listas de alumnado admitido está chamado a formalizar a súa matrícula entre o 15 e o 18 de xullo de 2023, a través dos formularios electrónicos correspondentes:

• Graduado Sénior - 1º curso - Campus A Coruña
• Programa de Formación Específica "Historia, Ciencia e Sociedade" (Ferrol).
• Talleres (campus da Coruña e Ferrol).

Máis información e asistencia á matriculación nas Secretarías da Universidade Sénior: