Seguindo o establecido na Convocatoria de Admisión e Matrícula nos Programas Formativos 2023-2024 da Universidade Sénior da Universidade da Coruña, logo de finalizado o prazo de matrícula correspondente ao 3º chamamento, publícanse actualizacións das listas de alumnado admitido e listas de agarda nos diferentes programas e actividades complementarias nos que procede.

Deste xeito, xa poden ser consultadas nesta páxina web e nos taboleiros de anuncios das sedes da Coruña e Ferrol, as seguintes listas:

• Lista de alumnado admitido en 1º curso (alumnado de novo ingreso) no campus da Coruña.
• Lista de agarda de alumnado de novo ingreso (1º curso), no campus da Coruña.

Coa publicación destas actualizacións, o alumnado que figure nas novas listas de alumnado admitido está chamado a formalizar a súa matrícula, entre o 22 e o 28 de xullo de 2023, a través dos formularios electrónicos correspondentes:

• Graduado Sénior – 1º curso – Campus A Coruña

Por outra banda, no que atinxe á matrícula de alumnado de novo ingreso  no Campus de Ferrol - "O alumnado de 1º de grao que non se preinscribira en prazo ordinario, deberá cubrir a preinscrición e agardar a ser admitido ao seguinte día hábil para poder matricularse. Os que xa estiveran preinscritos, poden matricularse directamente":

• Graduado Sénior - 1º curso - Campus Ferrol

No que respecta á matrícula de alumnado de continuidade (2º, 3º e 4º curso), por resolución da Comisión Académica da Universidade Sénior, ábrese un prazo extraordinario, entre o 22 e o 28 de xullo de 2023, para formalizar matrícula a través dos formularios electrónicos correspondentes:

• Matrícula de 2º, 3º e 4º curso - Campus A Coruña
• Matrícula de 2º, 3º e 4º curso - Campus Ferrol

Máis información e asistencia á matriculación nas Secretarías da Universidade Sénior: