O obxecto desta convocatoria é a adxudicación dun total de 143 bolsas de colaboración en centros propios da UDC, das que 21 estarán destinadas a Oficina de Medio Ambiente/Green Campus (OMA/GC), co fin de favorecer a formación complementaria do alumnado de grao da UDC a través da realización de actividades en direrentes áreas de interese. 

A duración das bolsas será do 1 de decembro de 2023 ao 31 de maio de 2024, cunha dedicación de 8 horas semanais e cun máximo de 4 diarias, en horario acordado coa persoa titora.

O importe bruto de cada bolsa será de 240 euros mensuais, cantidade á que se lle aplicarán as retencións correspondentes do IRPF e a cotización da Seguridade Social correspondente á persoa adxudicataria. 

A distribución das bolsas OMA-GC é a que segue, escolléndose 1 persoa de cada centro segundo o baremo e requisitos das bases da convocatoria:

• Bolsa OMA. ETS de Enxeñaría de Camiños, Canais e Portos
• Bolsa OMA. Facultade de Ciencias - Grao en Bioloxía
• Bolsa OMA. Facultade de Ciencias - Grao en Química
• Bolsa OMA. Facultade de Ciencias da Comunicación
• Bolsa OMA-GC. Residencia Universitaria Elvira Bao de A Coruña
• Bolsa OMA-GC. ETS de Arquitectura
• Bolsa OMA-GC. ETS de Enxeñaría de Camiños, Canais e Portos
• Bolsa OMA-GC. ETS de Náutica e Máquinas
• Bolsa OMA-GC. EU de Arquitectura Técnica
• Bolsa OMA-GC. Facultade de Ciencias - Bioloxía
• Bolsa OMA-GC. Facultade de Ciencias da Educación
• Bolsa OMA-GC. Facultade de Ciencias da Saúde
• Bolsa OMA-GC. Facultade de CC do Deporte e a Educación Física
• Bolsa OMA-GC. Facultade de Dereito
• Bolsa OMA-GC. Facultade de Economía e Empresa
• Bolsa OMA-GC. Facultades de Filoloxía – Turismo (conxunta)
• Bolsa OMA-GC. Facultade de Fisioterapia
• Bolsa OMA-GC. Facultade de Informática
• Bolsa OMA-GC. Facultade de Socioloxía
• Bolsa OMA-GC. Grao impartido no Campus de Ferrol: 2 persoas

Calquera dúbida relacionada con esta convocatoria pódese consultar a través do correo electrónico: bolsas.formacion@udc.gal .

Queres coñecer mellor a OMA e Green Campus? 

Memorias de actividades de cursos anteriores