As enquisas poden ser cubertas polo alumnado e polo profesorado implicado nas materias do primeiro cuadrimestre, a través da aplicación institucional SIGMA.

O estudantado poderá avaliar as materias e o profesorado, achegar a súa opinión e contribuír á mellora real da docencia e dos títulos. Para o profesorado e os centros, unha participación significativa resulta esencial para dispoñer de resultados representativos e útiles nos procesos de mellora e de avaliación da calidade.

Novidades da campaña 2025/26

Nesta edición incorpóranse varias novidades orientadas a facilitar a participación do estudantado:

• apertura das enquisas durante os períodos de exames oficiais,

• incorporación dunha pregunta aberta para engadir comentarios e suxestións,

• acceso mediante código QR desde dispositivos móbiles,

• incentivos á participación, mediante sorteos de cursos, bonos deportivos e recoñecemento institucional aos centros e títulos con maior participación,

• mantemento da iniciativa solidaria ABRIGA, á que a UDC destina unha achega en función do nivel de participación do alumnado.

Pódese consultar máis información sobre a campaña, acceder ás enquisas e descargar os materiais informativos en:
https://www.udc.es/avaliemos