Este laboratorio está destinado tanto a docencia de grao e máster como, recentemente, a investigación.

As principais instalacións e equipos dos que dispón o laboratorio son os seguintes:

• Instalacións para produción de formigóns, probetas de formigón, e pequenos elementos estruturais de formigón armado.
• Equipo para ensaios de asentamento de formigóns de acordo coa norma UNE EN 12350-2.
• Instalación de curado de probetas de formigón (UNE EN 12390-2).
• Equipo multipropósito controlado por computador para ensaios resistentes de probetas de formigón, de 3.000 kN (300 t) de capacidade, para ensaios de compresión de probetas cilíndricas e cúbicas (UNE EN 12390-3 e UNE EN 12390-4), de tracción indirecta (ensaio Brasileiro; UNE EN 12390-6), e de flexotracción (UNE EN 12390-5).
• Pórtico multipropósito para ensaios estruturais de vigas e pequenos soportes, de 300 kN (30 t) de capacidade.
• Sistema multipropósito de adquisición de datos, con autocalibración e software de control, para uso con bandas extensométricas (con calquera tipo de montaxe), transductores ou células de carga, e termopares.
• Equipos varios de medición de distancias, frechas, desplomes e deformacións. Equipos fotográficos e topográficos (teodolitos, niveis, miras topográficas, cintas métricas), reloxo comparador, calibre de pé de rei electrónico, fisurómetro.
• Sistema de medición de absorción de auga para materiais pétreos.
• Equipos eléctricos para ensaios acelerados de degradación de armaduras de formigón estrutural no medio acuoso.
• Ponte guindastre de 10 toneladas.