Achégate á UDC
Destinatarios
O estudantado de bacharelato e de ciclos formativos de grao superior.
Obxectivos
Coas actividades que se detallan a continuación pretendemos que o futuro estudante universitario coñeza, de primeira man, os títulos de grao que se imparten na Universidade da Coruña.
Charlas de divulgación científica
A UDC ten unha ampla oferta de charlas/obradoiros, en liña e presenciais, de divulgación científica coa que, profesorado e investigadores, achegarán ao voso alumnado, de xeito ameno e diferente, a ciencia e a investigación que se desenvolve na nosa universidade.
Programa "Entra no Futuro"-Charlas embaixadores UDC
Neste programa profesorado da UDC visitará o seu centro e impartirá unha charla presencial sobre a Universidade, as titulacións de grao, as bolsas e a vida universitaria.
Xornadas de Portas Abertas na UDC
Descobre o teu futuro nas nosas Xornadas de Portas Abertas!
Vén a coñecer a nosa universidade os días 10 e 11 de abril de 2025 en horario de tarde.
Explora as nosas instalacións, coñece en detalle a nosa oferta académica e sumérxete na vida universitaria a través de encontros co profesorado e estudantado, que te guiarán en visitas e actividades deseñadas para que vivas a experiencia de primeira man.
Recibirás un agasallo especial: unha bolsa exclusiva da UDC. Esperámoste!
Visita os Centros de Investigación da UDC
Os Centros de Investigación, de referencia nacional e internacional, abren as súas portas para que o voso alumnado poidan coñecer, dende dentro, que investigación se fai na UDC.
Visita os Institutos Universitarios da UDC
Os Institutos Universitarios da UDC abren as súas portas para que o voso alumnado poida coñecer as actividades que desenvolven.
Xornada co persoal dos Departamentos de Orientación de Bacharelato e Ciclos Formativos de Grao Superior
- Presentación das Campañas de Difusión e Vida Universitaria.
- Presentación do catálogo de titulacións de grao da UDC: graos consolidados e graos singulares.
- Os novos modelos de exame da Proba de Acceso á Universidade (PAU).
- Charla de Astronomía: ”O Lucero da Alba e a Navegación”.
- Quenda de intervencións/dúbidas.
Pode inscribirse ata o mércores,12 de febreiro no seguinte formulario.
Para calquera consulta pode dirixirse a: sape.difusion@udc.gal
STEAM 2025-2026
- Rexistrádevos na intranet como mentoras/mentores ou centro educativo: https://intranet.inspirasteam.net/
- Activade a Inscripción na edición 2025-26.
Olimpiada
V Olimpiada de Enxeñaría na Edificación - Arquitectura Técnica
Este concurso está destinado ao alumnado de ESO, Bacharelato e de Ciclos Formativos de grao medio e superior.
O obxectivo da presente Olimpíada de "Enxeñaría na Edificación - Arquitectur Técnica: Construíndo con Enxeño" é a promoción da cultura científica, da tecnoloxía e da innovación, entre o alumnado dos niveis educativos mencionados, co obxectivo de despertar vocacións entre os escolares e interese polo ámbito tecnolóxico e enxeñaril da Edificación.
Na súa V edición, esta OLIMPÍADA propón o desenvolvemento dun proxecto no que se debe abordar a recuperación dun edificio en desuso, co obxectivo de promover a a sostenibilidade e a economía circular na edificación, fomentando a sensibilidade e o respeto polo medio ambiente e polos métodos tradicionais de construción.
En cada un dos niveis académicos, o equipo que maior puntuación obteña no ámbito galego, segundo os criterios de valoración establecidos, pasará á final nacional.
Neste documento atópase toda a información sobre o concurso:
Bases da convocatoria da V Olimpíada
Fase I: Inscrición. Data límite o 31 de xaneiro de 2025
Ampliación prazo de inscrición ata o sábado 15 de febreiro de 2025 (ás 23.59h)
Formulario de Inscrición*: https://forms.office.com/e/X39DjnAnrY
*Habilitarase a partir do 10 de xaneiro de 2025.
Portas abertas na Escola Politécnica de Enxeñaría de Ferrol-EPEF
Recursos para Orientadores
Nesta sección resaltarémoslle recursos que a UDC pon ao seu dispor e á dos seus alumnos e alumnas, para axudarlles tanto no seu inicio na Universidade como durante todo o resto da súa estadía.
Bacharelato de excelencia en Ciencias e Tecnoloxía
Promove a vocación do alumnado cara a investigación científica e tecnolóxica e permite unha conexión directa co ensino universitario
Os centros educativos poderán solicitar os proxectos que interesen ao seu alumnado antes do 12 de decembro de 2023 e a previsión é que a Universidade os asigne entre finais de decembro de 2023 e principios de xaneiro do 2024, para que o alumnado poida comezar a traballar neles a partir de comezos do vindeiro ano.
No marco da iniciativa STEMbach, a Universidade da Coruña inclúe tamén un programa de visitas a centros da Universidade, así como talleres e seminarios dirixidas ao estudantado desta modalidade de bacharelato.
Inspira STEAM
Proxecto para o fomento da vocación científico-tecnolóxica entre as nenas, baseado en accións de sensibilización e orientación que imparten mulleres profesionais no mundo da investigación.
Presentación na UDC
Ofrece regularmente cursos de alemán, francés, inglés, italiano, portugués e español para estranxeiros. Os cursos de linguas estraxeiras poden ser cuadrimestrais ou intensivos (verán), e a súa duración establécese en función da súa dificultade e nivel do idioma.
Promove a formación dentro da UDC, así como atende ao desenvolvemento de iniciativas que promovan a innovación dentro do sistema educativo.