Acción Social
 |
Guerras, desastres y ayuda de emergencia. El nuevo humanitarismo internacional y la respuesta española.
Furacáns, epidemias, inundacións, terremotos, guerras..., os desastres humanitarios provocan millóns de vítimas e damnificados en todo o mundo. Xeralmente, os principais afectados por estas catástrofes son aqueles que viven en peores condicións. Os países pobres non poden facer fronte aos desastres que azoutan a súa poboación e a axuda exterior é insuficiente e pouco eficaz. A axuda humanitaria converteuse nun dos retos máis importantes do noso mundo pero os gobernos dos países ricos non parecen moi conscientes diso. En 1998, a axuda humanitaria foi inferior ao gasto militar de tan só tres días. |
 |
Conversascon:
Esta publicación recolle as conversas que se levaron a cabo do 2007 con diversos persoeiros de recoñecido prestixio nacional e internacional, que se achegaron a Galiza para darnos a súa visión sobre diferentes temas cruciais para comprender cousas que nos están a tocar vivir. Todos eles e todas elas son persoas con perfís moi diferentes, procedentes de latitudes distantes e que abordan problemáticas que pouco teñen que ver entre si, pero que comparten algo moi importante: o traballo pola construción dunha sociedade mais xusta e a denuncia incansábel dos abusos, o sometemento e a explotación das persoas e pobos. |
 |
El cielo está enladrillado: entre el "mobbing" y la violencia inmobiliaria y urbanística
Se es unha pensionista vítima do mobbing inmobiliario, se non sabes como pagar o aumento do aluguer, se a hipoteca do teu piso che fai imposible chegar a fin de mes, se xa tes 25 anos e non podes irte de casa dos teus pais, se estás baixo ameaza de desafiuzamento pola presión inmobiliaria, se te desaloxan e condenan por okupar un espazo, se te ameazan. Se te pasa unha destas cousas ou varias á vez, entón sofres de violencia inmobiliaria e urbanística. E se o ceo esta enladrillado... |
 |
El desarrollo: historia de una creencia occidental
Dende unha perspectiva crítica, repasa a historia dunha idea, a do desenvolvemento, que fascinou ás sociedades do Norte e do Sur. Analiza os orzamentos básicos nos que se sustenta o desenvolvemento, a evolución deste a través da historia e as accións que se puxeron en práctica baixo esa denominación, ata a creación do concepto de subdesenvolvemento, acuñada polo presidente Truman. O libro móstranos as causas que levaron ao estado onde o fondo da cuestión radica en que a pobreza é a consecuencia do subdesenvolvemento e non a súa causa. |
 |
Asentamientos precarios en África
A poboación mundial triplicouse nos últimos 60 anos. Os sete países africanos nos que traballa a fundación CEAR (Angola, Malí, Marrocos, Mauritania, Mozambique, Namibia e Senegal) son obxecto dun estudo dende o punto de vista do crecemento continuo da poboación, pobreza e desigualdade. Realizouse unha análise da axuda oficial ao desenvolvemento en habitabilidade nestes países africanos. |
 |
La pobreza en el mundo
A pesar dos grandes avances sociais a pobreza segue presente nas nosas sociedades. Esta guía define a pobreza no mundo e, máis concretamente, en que consiste a pobreza en España. Expón os motivos polos que segue existindo e cales son as claves para combatela. Recolle algúns dos proxectos de axuda humanitaria que se crearon no noso país. Inclúe un extenso apartado no que se describen todas as organizacións destinadas á loita contra a pobreza. |
 |
Un buen encaje en los ecosistemas
Necesitamos ferramentas para comprender a realidade e ferramentas para transformala. O autor afonda na súa análise ecosocialista. Cando os nosos sistemas produtivos chocan contra os límites do planeta, non debemos seguir empurrando para aumentar a oferta de subministracións, senón adaptar mellor eses sistemas humanos aos ecosistemas (biomímesis), lograr maiores eficiencias (ecoeficiencia) e actuar sobre a demanda con medidas de autocontención, todo o cal require algo así como unha reconstrución da socialidad humana. Pero esa estratexia é compatible coa orde socioeconómica capitalista? Todo indica que non... Porque ¿como seguir crecendo se desaparece o espazo para iso? |
 |
Planeta de ciudades miseria
Segundo a ONU, máis de mil millóns de persoas viven en cidades miseria do Sur global. Mike Davis explora o futuro dunha desigualdade radical e unha inestabilidade do mundo urbano a punto de estoupar. Para iso, o autor traza unha traxectoria global do asentamento informal e realiza unha cuantificación da aterradora produción en masa da miseria que caracteriza ás cidades contemporáneas. Cunha fría indignación, argumenta que o crecemento exponencial das cidades miseria non é accidental senón que é o resultado dunha conxunción simultánea da corrupción das clases dirixentes. |
 |
El fin de la pobreza: cómo conseguirlo en nuestro tiempo
Por primeira vez na historia a nosa xeración ten a oportunidade de rematar coa pobreza extrema dos países máis necesitados do mundo. Pero como deter o círculo vicioso de enfermidade, endebedamento e catástrofes naturais que mantén no atraso a máis de mil millóns de habitantes da terra? Este libro, referencia obrigada para coñecer as raíces da prosperidade económica, achega datos que invitan á reflexión dos cidadáns máis afortunados do mundo, presenta ao lector un sistema integrado de solucións económicas que combina aspectos políticos, ambientais, sociais e éticos para propoñer fórmulas realistas que permitan aos países máis pobres saír do ciclo da pobreza antes do ano 2025. |
 |
Las Naciones oscuras: una historia del Tercer Mundo.
O Terceiro Mundo non foi un lugar. Foi un proxecto. Durante as batallas aparentemente interminables contra o colonialismo, os pobos de África, Asia e América Latina soñaron cun mundo novo. Anhelaban dignidade por enriba de calquera outra cousa, pero tamén que as súas respectivas poboacións visen axeitadamente satisfeitas as necesidades básicas da vida (terra, paz e liberdade). Así que aglutinaron os seus agravios e as súas aspiracións en organizacións de varios tipos, dende onde os seus dirixentes formularon posteriormente un programa de reivindicacións. Nunha serie de encontros durante as décadas centrais do século xx. Confeccionaron unha ideoloxía e un conxunto de institucións depositarias das esperanzas das poboacións. |
 |
¿De quién es la responsabilidad? Crisis y reconstrucción del espacio social.
Esta obra ofrece unha análise das razóns que levaron ás sociedades modernas a perder o control do seu rumbo como resultado da infrutuosa vitoria da globalización, que arrasou as certezas das xeracións que nos antecederon. As crises do "Estado do Benestar" e o descredito da política institucional propiciaron a renuncia do Estado a obrigas que durante épocas lle foron inherentes e conservar os lazos sociais que mantiveron cohesionar as comunidades. Nas páxinas deste libro hai un achegamento agudo á urxencia de optar por unha re-articulación novidosa do Estado, o mercado e a sociedade, e as alternativas que empezan a xurdir. |
 |
Comercio justo, comercio injusto: hacia una nueva cooperación internacional.
O sistema de relacións comerciais internacionais non fixo máis que incrementar a pobreza no mundo, a desigualdade entre países pobres e ricos e a deterioración do medio. Ante o colapso económico que esta situación vaticina, unha nova orde económica debe construírse baixo novas formas de cooperación democrática e ecoloxicamente sostibles. O comercio xusto pode axudar a iso, ao propiciar os intercambios directos nos mercados mundiais e a colaboración entre os produtores do Sur e os consumidores do Norte. Do que se trataría é de pagar un prezo xusto polos produtos do Sur. |
 |
¡Hagan juego!
En Latinoamérica, como no resto do mundo, a política económica defendida e aplicada polas institucións internacionais de préstamo agudizou as desigualdades sociais e para a súa implantación foi preciso destruír os movementos sociais organizados. Petras e Vieux explican con detalle o impacto desta política en varios países latinoamericanos sobre o crecemento económico, o benestar social e as súas consecuencias sobre o poder político e social. "En todos estes casos, mesmo naqueles que, como México, se presentaron como modelo de éxito, a situación empeorou". |
 |
Africa : retos y esperanzas.
África retos e esperanzas xurdiu dun proceso de reflexión e análise, no seo de Intermón, sobre a realidade da rexión da África Subsahariana. Esta aproximación é froito das experiencias do noso traballo durante anos, da cooperación constante coas organizacións de africanos e africanas xunto ás que afrontamos día a día, os retos que formula a falta de recursos e o empobrecemento da rexión e dos seus pobos. O noso obxectivo é compartir o cambio coa poboación africana para facer posible o desenvolvemento económico e social. |
 |
Por qué fracasan los países, los orígenes del poder, la prosperidad y la pobreza.
Por que fracasan os países proponse responder a estas pregunta, cunha nova teoría convincente e documentada: non é polo clima, a xeografía ou a cultura, senón polas institucións de cada país. A través dunha gran cantidade de exemplos históricos e actuais, os autores demostran que para investir e prosperar, a xente necesita saber que se traballan duro, pode gañar diñeiro e, sobre todo, conservalo. Aí é onde entran en xogo unhas institucións sas e nas que poder confiar. Ademais os autores mesturan neste libro economía, política, historia e temas de actualidade para ofrecer unha forma nova, poderosa e persuasiva de entender todos os porqués da riqueza e a pobreza. |
 |
Blanco bueno busca negro pobre. Crítica de la cooperación y las ONG.
Hai cincuenta anos que se iniciou a cooperación. Cincuenta anos que non serviron para tanto como nos cremos. Europa demostrou ser un pozo sen fondo de doadores e África, un pozo sen fondo de fracasos. Por ineptitude, por pouca sostibilidade, por corrupción, por intereses ocultos, por ignorancia das formas de vida africanas... aínda así calou a idea de que os problemas africanos se solucionarán con proxectos de desenvolvemento, que a opinión pública xulga polas boas intencións e non polos bos resultados. Gustau Nerín, un antropólogo con excepcional coñecemento do continente, desmitifica a cooperación internacional. |
 |
Repensar la pobreza. Un giro radical en la lucha contra la desigualdad global.
Repensar a pobreza supón un revolucionario xiro no modo de abordar a loita global contra a pobreza. Os seus autores, dous consagrados economistas do MIT, acudiron directamente aos protagonistas para comprender como funciona de verdade a economía dos pobres, cales son as súas motivacións e aspiracións. Os resultados das súas observacións contradín moitas das nosas crenzas máis arraigadas. A innovadora formulación deste libro empeza por cambiar as preguntas. A partir de aí, ofrece as respostas e, con elas, un gran potencial transformador e unha guía esencial para políticos, activistas e calquera persoa preocupada por construír un mundo sen desigualdade. |
 |
Planeta de ciudades miseria.
Segundo a ONU, máis de mil millóns de persoas viven en cidades miseria do Sur global. Neste ambicioso, mordaz e brillante libro, Mike Davis explora o futuro dunha desigualdade radical e unha inestabilidade do mundo urbano a punto de estoupar. Dende a expansión de barricadas en Lima ata as montañas de lixo en Manila, a urbanización separouse da industrialización e mesmo do crecemento económico. O autor realiza unha cuantificación da aterradora produción en masa da miseria que caracteriza ás cidades contemporáneas. Planeta de cidades miseria conclúe cunha provocativa reflexión sobre a «guerra contra o terrorismo» como unha incipiente guerra mundial entre o imperio norteamericano e os novos pobres das cidades miseria. |
 |
Ebano.
Libro incluído na Biblioteca Selecta Forum de Barcelona 2004 Quien moitos consideran o mellor reporteiro do século somérxese no continente africano, evitando lugares comúns e estereotipos. Vive nas casas repletas de cascudas dos máis pobres, enferma de malaria cerebral, corre perigo de morte ás mans dun guerrilleiro... pero malia todo non perde a súa mirada lúcida e a súa voz de gran narrador para internar ao lector na complexa realidade de África, coas guerras, miseria e inxustiza que atravesan a súa historia e lastran o seu presente. Posiblemente a obra cumio do autor. |
 |
Who changes?
A recente tendencia dos enfoques participativos presenta desafíos aos que traballan no sector do desenvolvemento. " Quen cambia? " reúne, por primeira vez, as leccións e experiencias das axencias de desenvolvemento clave de todo o mundo sobre o cambio institucional necesario para que a participación sexa unha realidade. O libro explora os problemas e preocupacións dos profesionais do desenvolvemento que participan en PRA (Participatory Rural Appraisal) as prácticas principais: a adaptación dos métodos de ERP de micro a macro organizacións e o tipo de cambios que require unha organización para implementar efectivamente PRA. |
 |
Los Objetivos del Milenio Movilización social y cambio de políticas: cuarto informe anual de la Plataforma 2015 y Más.
Este cuarto anuario da Plataforma 2015 y Más trata de poñer de manifesto o realizado ata agora no contexto internacional dos Obxectivos de Desenvolvemento do Milenio, recollendo tamén as accións da sociedade civil para alcanzalos. A especial atención que se presta neste monográfico aos chamados "novos instrumentos da cooperación española" (axuda a orzamentos, troco de débeda por educación, participación da sociedade civil nas estratexias país), implica así mesmo asumir a importancia das novas vías ou novas formas de facer cooperación para alcanzar estes compromisos. |
 |
Pobreza, desarrollo y medio ambiente.
O contido do libro redacta unha crítica cara ao modelo de desenvolvemento imperante, tanto dende o punto de vista social como ecolóxico, é inviable a curto prazo. Tanto máis que o devandito modelo foi entronizado e mantido mediante presións de todo tipo, e grazas a unhas relacións Norte-Sur sesgadas en favor dunha minoría da poboación mundial que detén o poder político e acumula gran parte das riquezas e do ingreso global. Necesitamos polo tanto contribuír a crear un novo paradigma de relacións sociais, políticas e económicas radicalmente diferente, un sistema baseado no respecto á diversidade de todo tipo. |
 |
El sutil poder de las transnacionales. Lógica, funcionamiento e impacto de las grandes empresas en un mundo globalizado..
As empresas transnacionais son un actor clave no actual proceso de globalización económica e o seu poder económico e político é cada vez maior. Pero o poder das transnacionais destaca a miúdo pola súa sutileza, de maneira que non sempre é perceptible e se reproduce estruturalmente. Este libro trata de poñer de manifesto os principais mecanismos a través dos cales as grandes empresas reproducen e amplían o poder que teñen, así como o impacto da irresponsabilidade empresarial nas condicións de vida da poboación mundial, sobre todo nos países empobrecidos. |
 |
A vida que podemos salvar: Agir agora para pôr fim à pobreza no mundo.
Neste libro, o filósofo Peter Singer, considerado pola revista Time unha das 100 persoas máis influentes no mundo, presenta argumentos éticos, estimulando experiencias mentais, elocuentes exemplos e casos prácticos para demostrar que a nosa resposta actual á pobreza mundial é insuficiente e eticamente indefendible. É un libro que chama á acción, dando voz a esperanza e compaixón sen descoidar a investigación rigorosa e razoamento coidadoso que se reflicte en todas as obras deste autor. Un traballo dobremente pertinente nun momento no que as dificultades económicas afectan a persoas moi preto de todos nós. |
 |
Guinea Ecuatorial, historia en blanco y negro.
A colonización de Guinea é un tema aínda moi descoñecido en España, sinala Nerín. No libro intentou mostrar o seu funcionamento; como se articulou a armazón colonial, resaltando, como eixe temático, a relación que se estableceu entre os homes brancos e as mulleres negras. O autor admite que se trata dun enfoque pouco habitual. Sorprende que non se utilizase máis, porque, a parte de que é obvia a súa importancia na historia de África, resulta un punto de vista moi útil que interna na esfera do micro; é algo moito máis próximo á persoa que o punto de vista militar, por exemplo. |
 |
Comercio y pobreza. Cuándo y cómo comenzó el atraso del tercer mundo.
O profesor Williamson da Universidade de Harvard ofrécenos unha explicación razoada das causas que deron lugar a que o aumento do comercio mundial que se desenvolveu entre comezos do século XIX e a Primeira Guerra Mundial conducise a unha diverxencia cada vez maior entre os países ricos e os pobres que forman o que hoxe chamamos o "Terceiro Mundo". As súas conclusións acerca da relación entre globalización e pobreza, baseadas nun impresionante estudo cuantitativo froito de longos anos de investigación, non só iluminan o pasado, senón que nos ofrecen unha valiosa diagnose sobre a desigualdade no mundo actual. |
 |
Historia del pueblo mapuche (siglo XIX y XX).
Esta é unha historia acerca da intolerancia. Acerca dunha sociedade que non soporta a existencia de xente diferente e tratou de rematar cos homes que deambulaban libremente polas pampas e cordilleiras do sur do continente. Eles defendéronse do salvaxismo civilizado. Remataron por morrer e ser vencidos polo progreso. Entrou o exército, seguírono o ferrocarril e os colonos. Esta guerra inicua foi guiada pola intolerancia: o dereito de quen se cre enviado a combater a barbarie en nome do progreso da humanidade. O autor relata a longa historia de vida do pobo mapuche, especialmente o seu último período de vida independente durante o século XIX. |
|
|
 |
Abriendo la mirada a la interculturalidad, pueblos indígenas, soberanía alimentaria, educación para la paz.
O obxectivo da publicación é favorecer que nos debates que actualmente se están a desenvolver no seo das ONGD, comunidade educativa, movementos sociais e outros axentes de cooperación, se teña en conta a análise e impacto diferenciado en mulleres e homes e incidir na importancia de traballar para incorporar o enfoque de xénero, xa que pola contra continuarán sendo parciais e incompletos. As propostas sobre Interculturalidad, Pobos indíxenas, Soberanía alimentaria e Educación para a paz teñen un carácter altamente político e emancipador, e son imprescindibles tanto no Norte como no Sur pola súa condición de reivindicación global. |
 |
La arquitectura de las palabras.
La arquitectura de las palabras reúne un conxunto de reflexións, análises e microrrelatos nos que sobrevoa a importancia que teñen as verbas na construción das nosas certezas. É unha iniciativa de Arquitectos Sin Fronteras e do xornalista Jesús Barcos que observa e retrata desde múltiples planos o conformismo existente na nosa sociedade. |
 |
Architecture and design versus consumerism: How design activism confronts growth
A mentalidade de que o consumismo e o crecemento económico son panaceas é un dos maiores obstáculos para a sostibilidade real, pero calquera cambio parece imposible, impensable. O noso paradoxo contemporáneo encóntranos contando para o noso benestar no crecemento económico impulsado polos consumidores que en realidade non podemos darnos o luxo - non en termos ambientais, económicos ou sociais. Aínda que a arquitectura e o deseño de longo se consideraron como motores para o consumismo e o crecemento, un crecente número de deseñadores preocúpanse polos problemas derivados do crecemento. Pero os deseñadores enfróntanse a un paradoxo dos seus; en escenarios de consumo sostible, onde as persoas consumen ou construír significativamente menor, o que será deixado para os deseñadores a facer? |
 |
Pobreza cero: Por qué y cómo hoy es posible acabar con la pobreza.
Pobreza Cero acaba de lanzar o caderno "Por que e como é posible acabar coa pobreza no mundo", unha ferramenta para explicar as razóns polas que erradicar a pobreza é unha empresa posible. No caderno abórdanse, entre outros temas, os Obxectivos do Desenvolvemento do Milenio, a realidade da Axuda Oficial ao Desenvolvemento, a trampa da débeda externa, as normas inxustas do comercio internacional e a proposta do Pacto de Estado contra a Pobreza. Nunca na historia da humanidade tivemos os medios tecnolóxicos cos que contamos agora e a posibilidade económica tan real de poñerlle fin á pobreza. |
 |
Juntos para la erradicación de la pobreza: Conferencia Sur-Norte, Barcelona, 30-31 de mayo y 1 de junio de 1996: ponencias, conclusiones, mesas redondas, declaración.
Monográfico que recolle os relatorios, conclusións, mesas redondas e declaración da Conferencia Sur-Norte, realizada en Barcelona en 1996. Tratando temas de desenvolvemento e cooperación, tanto na teoría coma na práctica, así como a mensaxe das ONG ´ s aos medios de comunicación e o papel das ONG ´ s tanto no Sur coma no Norte. Inclúe unha recompilación fotográfica da conferencia. |
 |
La participación de los pueblos en su desarrollo
Publicación concibida como material de apoio para as persoas educadoras que queiran traballar a participación social e o desenvolvemento porque se cremos que o desenvolvemento dun país ten que ser levado a cabo pola súa propia xente, deberemos saber integrar nese desenvolvemento saber, as habilidades e o traballo dos seus habitantes. |