A colección da Biblioteca da Escola Politécnica de Enxeñería de Ferrol é o resultado da fusión das coleccións das bibliotecas da antiga Escola Universitaria Politécnica e Escola Politécnica Superior.
O ámbito temático que abarca é o da Enxeñería eléctrica, electrónica, robótica, automática, naval, industrial e mecánica, así como materias afíns. O obxectivo principal é dar soporte ás titulacións ofertadas na EPEF.
Para dar soporte ao alumnado da Escola, a biblioteca actualiza continuamente o fondo de bibliografía recomendada nas distintas titulacións, adquirindo múltiples exemplares dos manuais máis utilizados, para alcanzar ao máximo alumnado posible.
Para atender as necesidades do persoal investigador da área de Enxeñería, a Biblioteca adquire baixo demanda bibliografía técnica especializada.
A colección en cifras:
• Libros en papel: actualmente uns 50.000 exemplares, dos cales, o 50% está en libre acceso.
• Libros electrónicos: gran parte dos máis de 136.000 ebooks que subscribe a Biblioteca Universitaria son da área técnica.
• Publicacións periódicas: unhas 60 subscricións activas específicas da área de enxeñería, a metade electrónicas, á parte do acceso a máis de 30.000 revistas técnicas electrónicas, subscritas pola Biblioteca Universitaria, gran parte delas, da área científico-técnica.