A nova convocatoria do CNEAI presenta novidades importantes á hora de redactar os indicios de calidade das achegas. A intención é mellorar na calidade da avaliación introducindo elementos cualitativos xunto cos cuantitativos de acordo coa San Francisco Declaration on Research Assessment (DORA) e os acordos e principios da Coalition for Advancing Research Assessment (CoARA).

Menciónase expresamente a bibliometría narrativa como o xeito de artellar a “redacción, presentación, xustificación e contextualización rigorosa de evidencias e indicios relacionados coa visibilidade, diseminación e influencia dos resultados da investigación científica desenvolvida no periodo obxecto de avaliación.” (BOE-A-2023-25537).

Polo tanto, para cada achega hai que xustificar e contextualizar os datos e indicios de calidade que atopemos en cada un dos apartados que aparecen no baremo xeral

Documentación de apoio e enlaces de interese

Non existe un documento de referencia que poida solventar todas as dúbidas, así como ofrecer todos os exemplos de redacción necesarios para cubrir a xustificación da calidade da achega que solicitan a novas convocatorias da ANECA, nin que nos dea a completa seguridade de que o estamos a facer perfecto, xa que a casuística é variada, existen particularidades para cada campo e as circunstancias de cada achega poden ser tamén diversas.

Así e todo, aquí vos ofrecemos unha listaxe dos mellores recursos que atopamos ata o de agora para que poidades ter unha orientación suficiente para buscar e recuperar os datos necesarios para elaborar a bibliometría narrativa esixida cunha certa seguridade.

• Fundamentos de Bibliometría Narrativa (15 de enero de 2024). Elaborado por autores que participaron no novo cambio de filosofía da ANECA, o documento ponse interesante no apartado 4 "Las narrativas" (páx. 10) onde van poñendo exemplos de como crear unha boa narrativa. Na páxina 16 aparece unha táboa cos indicadores a utilizar e as fontes. A partir da páxina 20 aparecen moitos máis exemplos de bibliometría narrativa que podedes utilizar como modelo. Ollo, non todos os indicadores que utilizan son accesibles. Ofrecen exemplos moi elaborados e, por tanto, as veces complexos.
• Indicios de relevancia e impacto y fuentes de información para su localización. Biblioteca da UCM. É un documento que de forma sinxela vai mostrando os datos e indicadores necesarios para xustificar as 3 dimensións (nivel aportación, nivel medio e ciencia aberta), con pantallazos de como atopalos e exemplos de bibliometría narrativa.
• Sexenios 2024: nuevos principios y criterios de avaliación, de Amelia López, onde ofrece máis consellos e exemplos de narrativa.
• Cómo preparar la solicitud para la obtención de sexenios de investigación, de Ángel M. Delgado (xaneiro de 2025).
• Mi sexenio de investigación: un modelo de defensa de cinco aportaciones con sus narrativas e indicadores, de Daniel Torres Salinas, quen ofrece un guión/modelo para elaborar a solicitude (15-01-2025).