Página 27 - MEMORIA 2012 INFORME DO REITOR AO CLAUSTRO

— 25 —

02

Institucional

Actividade institucional do reitor

No exercicio das súas responsabilidades estatuta-

rias, o reitor preside ao longo do ano as reunións do

Consello de Dirección, do Consello de Goberno e do

Claustro e participa noutros órganos decisorios como

o Consello Social, os consellos reitores do Campus do

Mar, do INIBIC e da Axencia para a Calidade do Siste-

ma Universitario Galego (ACSUG), da Fundación Em-

presa-Universidade de Galicia (FEUGA) e do CEIDA.

En representación da UDC, o reitor asistiu ás reunións

ordinarias ou extraordinarias convocadas tanto polo

Consello Galego de Universidades como polo Con-

sejo de Universidades (órgano de cooperación acadé-

mica Goberno-reitores) e pola Conferencia de Reito-

res das Universidades Españolas (CRUE). Igualmente,

participou en xuntanzas da Comisión para a Coordi-

nación da Docencia Clínica en Galicia e en distintos

encontros cos reitores das universidades de Santiago

e de Vigo para coordinar actuacións de interese ou in-

cidencia directa no sistema universitario galego. Esta

relación amplíase, a través de organizacións comúns,

con outros reitores españois de comunidades autóno-

mas veciñas e cos reitores do Norte de Portugal.

Así mesmo, o máximo representante da UDC asistiu

ás reunións dos padroados das fundacións ou institu-

cións de que forma parte a institución: Parque Tecno-

lóxico de Galicia, Consello da Cultura, Luís Seoane,

Fundación Cetal, Energylab, Universia, López Abente,

Río do Pozo e outras.

Outro capítulo moi importante na actividade do reitor

inclúe as xestións diante da presidencia e de varios

departamentos da Xunta de Galicia –nomeadamente

consellerías de Educación, de Facenda, de Industria,

de Medio Ambiente e de Traballo e Benestar Social–

e da Deputación da Coruña e os concellos da Coruña,

Ferrol e Oleiros, os tres en que a UDC ten centros.

Sucede o mesmo coa Delegación do Goberno en Ga-

licia e con outras escalas da Administración ou con

entes de carácter público. Este é o caso das autorida-

des portuarias da Coruña e de Ferrol.

O reitor presidiu en 2012 algunhas actividades que,

como as entregas de diplomas fin de carreira nos

centros, a recepción aos estudantes Erasmus ou a

apertura de curso na Universidade Sénior ou a Gala

do Deporte da UDC, por poñer só algúns exemplos,

se repiten ciclicamente cada ano. Outras revisten un

carácter máis excepcional, como foi o nomeamento

simultáneo de dous novos doutores “honoris causa”,

o xornalista e escritor Manuel Rivas e o profesor John

Rutherford, e a entrega da medalla de ouro da Univer-

sidade da Coruña ao profesor José María Barja, reitor

da UDC entre 2004 e 2011.

A presenza do reitor é habitual naqueles actos de re-

levancia científica ou cultural a que o convidan institu-

cións e entidades públicas ou privadas, particularmen-

te nas áreas metropolitanas da Coruña e de Ferrol. A

Xunta, os concellos da Coruña e Ferrol, a Deputación

da Coruña, mais tamén o colexio de Avogados da Co-

ruña, a Unión Profesional de Galicia, a Real Academia

Galega, a Fundación de Enxeñaría Civil da Coruña,

o Seminario Galego de Educación para a Paz, a Real

Academia Galega de Ciencias, Fundación Barrié, Fun-

dación CEER ou Hospital San Rafael, entre outros, or-

ganizaron actividades en que estivo presente o reitor

da Universidade da Coruña.

Con empresas –tanto pemes como empresas de

maior envergadura como Repsol, Inditex ou Indra– e

asociacións empresariais mantéñense relacións cana-

lizadas coa sinatura de convenios. Nuns casos trátase

de contratos de servizos ou transferencia de tecno-

loxía e noutros establécese un marco legal para que o

estudantado poida realizar prácticas das súas respec-

tivas especialidades.