Título propio “Espazo Compartido: autonomía e empregabilidade para persoas con discapacidade intelectual”
Espazo Compartido é un título propio da Universidade da Coruña destinado a promover a autonomía persoal e inserción laboral de persoas con discapacidade intelectual (DI) e/ou con Trastorno do Espectro Autista (TEA).
O obxectivo principal desta formación é fomentar as habilidades sociais e persoais, proporcionando as competencias básicas para a empregabilidade e impulsando a inclusión universitaria e sociolaboral das persoas con DI e/ou TEA.
Información xeral:
- Poboación destinataria: persoas con DI e/ou TEA entre 18 e 30 anos cun grao de discapacidade igual ou superior ao 33%.
- Duración: 2 anos (Nivel Inicial + Nivel Avanzado). Ambos os dous cursos desenvólvense de setembro a xuño, divididos en dous cuadrimestres.
- Localización: ETS de Camiños, Canais e Portos – Campus de Elviña.
Estrutura da formación:
- Nivel Inicial: orientado ao desenvolvemento persoal e social, cunha aproximación ao contorno laboral. Inclúe formación teórica, obradoiros especializados e prácticas en servizos da UDC.
- Nivel Avanzado: centrado en habilidades e competencias específicas do contorno laboral. Inclúe dous bloques de especialización: Auxiliar en Tenda e Almacén, e Auxiliar en Administración e Servizos. As prácticas realízanse en empresas ordinarias.
Equipo docente: equipo interdisciplinar de profesionais especializadas en educación inclusiva e profesorado colaborador da UDC.
Entidades colaboradoras
