O Servizo de Contratación Administrativa ten como misión principal a xestión dos procedementos de contratación das obras, subministracións e servizos demandados pola comunidade universitaria, de acordo co que establece a Lei de contratos do sector público e realiza as actividades necesarias (xestión e asesoramento) conforme aos principios de eficiencia, de confidencialidade e de transparencia, co obxectivo da mellora continua e da satisfacción dos seus clientes e usuarios.

Os servizos que ofrece son os seguintes:

• O asesoramento previo ao comezo dos expedientes administrativos de contratación, en relación co procedemento que haberá que seguir e a documentación que se achegará en función do tipo de contrato de que se trate.
• A tramitación, unha vez solicitada, dos expedientes administrativos de contratación, incluída a emisión e xestión de todos os documentos contables ata a Fase D (compromiso de gasto).
• O apoio á Mesa de Contratación mediante a preparación da documentación relacionada coas súas sesións e a intervención do persoal do servizo, ao que lle corresponde a Secretaría.
• A tramitación de todas as incidencias que poidan xurdir durante a vixencia dos contratos, tales como modificacións, resolucións, prórrogas e devolucións de garantía.