O estudantado da Universidade da Coruña (UDC) pode beneficiarse da TARIFA PLANA – PERFIL UNIVERSITARIO nas liñas de autobuses do concello da Coruña: UDC, 2A, 7, 12, 12A, 14 e 24, incluídas as viaxes noutras liñas con transbordo nas citadas, a partir do 1 de outubro de 2025
O custo de cada viaxe é de 0,30 € (0,15€ por redución 50% ata 31 de decembro de 2025).
Para ser beneficiario debes ter a tarxeta Millennium fisica ou a Tarxeta Millennium QR no teu móbil, e cambiar o teu perfil xeral a universitario
PROCEDEMENTO
Tarxeta Millennium física (tarxeta de plástico)
O estudantado da UDC que non dispoña da tarxeta Millennium, poderá solicitala nas seguintes oficinas municipais:
Para a tramitación hai que solicitar CITA PREVIA e ten que seleccionar o trámite: “Tarxeta Millennium”/ “App teléfono móbil”. Na Estación de Autobuses pode tramitarse sen cita previa.
Se xa dispós de tarxeta Millenium física, acercate a un caixeiro da entidade bancaria onde cargas a tarxeta e activa o teu perfil universitario.
Tarxeta Millennium QR (virtual, aplicacion no teu móbil)
Podes optela sen necesidade de pedir a tarxeta física. Para iso, hai que descargar a APP Coruña e logo clica en "Transporte > Autobús urbano > Pago con QR" e segue as instrucións da pantalla.
Tes a APP Coruña dispoñible tanto para dispositivos Android como iOS.
Logo de instala no teu móbil tes que pasar a identificarte e activar o teu perfil universitario polas mesmas oficinas municipais que se citan máis arriba. Lembra que tes que solicitar cita previa excepto para o caso da estación de autobuses.
Pode atopar máis información (utilización, traspaso de crédito,...) na seguinte ligazón: Millennium QR
A tarxeta de Transporte Metropolitano "Xente Nova" : os menores de 21 anos poderán viaxar gratis no transporte público interurbano das áreas da Coruña, Lugo, Ourense, Pontevedra, Ferrol, Santiago de Compostela e Vigo,
A tarxeta de Transporte Metropolitano de Galicia (TMG) pódese utilizar no transporte urbano e interurbano de Galicia.
Algúns concellos da bisbarra de Ferrolterra ofertan axudas ao alumnado que realiza os seus estudos na cidade da Coruña. Os requisitos solicitados varían segundo o concello. Normalmente, contemplan os seguintes aspectos:
Habitualmente, as convocatorias publícanse no verán ou a comezos de cada curso e poden consultarse no Boletín Oficial da Provincia da Coruña, nos webs e nos taboleiros de anuncios de cada concello.