VII Encontro Solar

30/04/19 11:22

Medio ambiente

Venres 31 de Maio CONFIRMADO!

Posibilidades da Enerxía Solar na cociña: Achégate a experimentar cociñando co Sol

Venres 31 de maio

Anotádevos en oma2@udc.gal para recibir toda a info e detalles da convocatoria no voso correo-e!

Lugar: Aparcamento do Ed. Xoana Capdevielle (Campus Elviña)

Incluído na programación Campus, Casa, Cidade: Laboratorios do cambio, proxecto que conta coa colaboración da Fundación Alcoa, o Encontro Solar da UDC é unha xornada de celebración, na que organizamos un xantar colectivo, xuntando o maior número posíbel de fornos e cociñas solares, dándolle visibilidade ao aproveitamento desta enerxía limpa e inesgotábel, e tamén, á degustación de pratos variados cociñados co sol.

O programa completo da xornada será o seguinte:

10:30h Montaxe dos fornos, cociñas e exposición dos aparellos solares

11:30h Introducimos a comida nos fornos e cociñas

12:30h Enerxía solar fotovoltaica: Visita a cuberta CITIC¹ guiada por J.M. Giz, Técnico Superior de mantementos da UDC

Punto de encontro: mesa da OMA, situada no Aparcamento do Xoana Capdevielle

15:00h Xantar colectivo e degustación de comida solar

16:30h Recollemos entre todas as persoas participantes

Durante toda a xornada:

Haberá unha mesa de experimentación e aprendizaxe de distintos aparellos solares (se tes algún aparello que funcione con enerxía solar, non dubides en participar na actividade! Despois farémosche un sitio no banquete)
Poderase visitar a exposición itinerante "A Enerxía Solar" da man de ADEGA

¹O CITIC é un edificio da UDC que se alimenta de enerxía solar grazas ás placas fotovoltaicas da súa cuberta

A asistencia é libre, pero para participar na cociña con fornos deberás inscribirte en oma2@udc.gal (para podermos reservar o espazo e un forno para ti, se o precisas). Na inscrición indícanos:

Se queres participar como persoa individual ou tes previsto vir en grupo
Se xa tedes forno, ou se precisariades del (para isto anotádevos canto antes porque os préstamos de fornos voan...!)
Tamén podedes construir o voso propio forno! con unha caixa de cartón, moi sinxelo e aínda mais barato!: Instrucións da Revista Cerna, artigo de Juan Bello, experto en cociña solar.

Só hai un requisito: pratos, vasos, cubertos, etc. NON PODEN SER DE USAR E TIRAR. Non tería lóxica participar nunha actividade na que nos sensibilizamos no aproveitamento de unha enerxía limpa, na conservación e protección do medio ambiente, consumindo unha morea de recursos que nun anaco serán unha morea de lixo. Podes empregar os da louza cotiá que do mesmo xeito que os traes, regresan a casa, é sinxelo!

Para animarte:

- Encontros anteriores: http://medioambienteudc.blogspot.com/2017/04/v-encontro-solar-na-udc.html?m=1

- Degustación de balde para visitantes durante a mañá, a medida que os petiscos vaian saindo dos fornos

SOMBRA: Ao sol só precisan estar fornos e cociñas, desde a organizacion non podemos asegurar sombra para todas as persoas: se tes carpa ou sombrilla, achégate con ela

Non esquezas o teu Equipo de Protección Individual: Pucho, Gafas, Crema Solar

Mais info: oma2@udc.gal

981.167.000 Ext. 5626

Cartaz final 31 de maio VII Encontro Solar OMA-UDC

Cartaz do VII Encontro Solar da OMA-UDC

Publicado por: Oficina de Medio Ambiente