Un campus nomeado
Un lugar para a memoria
A Mariña Dourada | A Cortiña | As Carballeiras | O Lagar | O Souto | A Fraga | O Monte do Cura
Os campus que a UDC desfruta no val de Elviña atesouran unha historia multisecular. O espazo que agora ocupamos conserva a súa memoria con ducias de nomes que identifican cada recuncho. Este universo nomeado é un legado que foi transmitido oralmente polas veciñas e veciños que viviron e traballaron esta terra, denominada Elviña desde a Idade Media. Agora nós, que somos os novos habitantes deste lugar, temos a responsabilidade de preservar a devandita memoria.
Un campus nomeado bebe do traballo de Ana Filgueiras Rei publicado pola UDC baixo o título O val de Elviña, a identidade cultural na memoria, e honra a memoria da xente de Elviña que nos legou os seus nomes de lugar.