Revisa aquí a dita resolución

As persoas adxudicatarias dunha bolsa comprométense a cumprir todas as condicións recollidas nesta convocatoria.

O prazo para realizar a aceptación/renuncia, será dende o día 11/03/2025 até as 23:00 h do día 17/03/2025.

No caso de non realizar a aceptación, chamarase ás persoas da listaxe de agarda.

 

O procedemento para a aceptación/renuncia é o seguinte:

1.- Aceptación a través da web www.becas-santander.com - “Programa de Becas Estudios Másteres Universitarios 2024/25”

2.- Aceptación a través do formulario que aparece ao final deste apartado.

Os documentos que deben achegar no dito formulario, asinados dixitalmente ou manualmente e escaneados, son:

• IMPRESO I :Aceptación ou renuncia da bolsa
  • Descarga aquí o modelo do Impreso I
• IMPRESO II: Declaración xurada conforme non ten concedidas outras bolsas ou axudas financiadas con fondos públicos ou privados, así como salarios que impliquen vinculación contractual ou estatutaria da persoa bolseira, ou calquera tipo de ingresos pola prestación de servizos profesionais ou a realización de traballo remunerado.
  • Descarga aquí o modelo do Impreso II

Non presentar a aceptación, no prazo establecido, na plataforma do Banco Santander e a través do formulario da UDC, entenderase como renuncia á bolsa.

3.- Ademais, dentro do prazo indicado, as persoas adxudicatarias deberán: 

• Ter activa unha conta no Banco Santander para realizarlle os ingresos pertinentes (de non dispoñer dela, deberán obtela no dito banco) e solicitar a alta da dita conta no sistema contable da Universidade da Coruña a través da Sede Electrónica (https://sede.udc.gal), Poden acceder directamente desde a ligazón:                     https://sede.udc.gal/services/procedures/ECO_003/start  

Durante o proceso terá que subir un documento xustificativo de titularidade da conta bancaria para a súa alta e outro arquivo con copia do documento de identificación (por ámbalas caras), sendo soamente válidos DNI ou NIE.

 

Rematado o prazo establecido e unha vez comprobada a realización dos trámites establecidos e a revisión da documentación presentada, iniciarase o procedemento para o pagamento da bolsa aceptada.

Para aclarar calquera dúbida poden enviar un correo electrónico a bolsas@udc.gal indicando no asunto "bolsas máster UDC-Santander"

---

FORMULARIO PARA PRESENTAR A ACEPTACIÓN/RENUNCIA E A DOCUMENTACIÓN REQUIRIDA

 

As listaxes provisionais de persoas con bolsa concedida e denegada, e a listaxe de agarda para o caso de que existan renuncias, foron publicadas o 14 de febreiro no TABOLEIRO ELECTRÓNICO desta universidade.

Podes revisar a publicación AQUÍ.

O prazo para presentar alegacións finaliza ás 24:00 horas do venres 21 de febreiro de 2025.

Os interesados deberán presentalas por correo electrónico desde a conta de correo @udc.gal/@udc.es da que dispoñen, dirixíndoas á conta de correo electrónico: bolsas@udc.gal, poñendo no asunto: Bolsas Máster 24-25

 

Convocatoria Bolsas Másteres Universitarios oficiais na UDC, curso 2024/25

A Universidade da Coruña (UDC) e o Banco Santander convocan 70 bolsas para o alumnado matriculado nun Máster Universitario Oficial da UDC no curso académico 2024/25, a tempo completo, segundo os requisitos que establece esta convocatoria.

A contía bruta de cada bolsa será de 1000 €.

Revisa os requisitos das persoas solicitantes, o procedemento de solicitude e o resto das bases da convocatoria na seguinte ligazón:  Convocatoria

O prazo de solicitude será do 3  de decembro de 2024 ata as 23:00 horas do 20 de decembro de 2024.

Para calquera dúbida podes enviar un correo electrónico a bolsas@udc.gal indicando no asunto "bolsas máster UDC-Santander"

 

 

Novas relacionadas coa convocatoria

Para presentar correctamente a túa solicitude, segue o que se indica nos dous pasos seguintes.

Paso 1. Rexistra a túa solicitude na UDC a través do formulario que atoparás ao final desta páxina.

Todas as persoas solicitantes deberán subir ao formulario a seguinte documentación:

1. DNI en vigor. No caso de cidadáns doutros países: Documento de Identificación de Estranxeiros (NIE). Non será válida a solicitude con pasaporte. Os estudantes estranxeiros non comunitarios deberán acreditar a súa condición de residentes.
2. O xustificante do pagamento dos prezos públicos de matrícula do curso 2024/25.
3. A certificación dos estudos de Grao que lle deron acceso ao Máster, calculada en base 10.

No suposto de titulacións obtidas no estranxeiro, ademais do certificado do expediente académico, no que conste a cualificación mínima aprobatoria, deben presentar firmado o documento de declaración de equivalencia das notas medias de estudos realizados aos correspondentes españois, que se realizará en liña a través da sede electrónica do Ministerio de Educación, Formación Profesional e Deportes:

https://universidades.sede.gob.es/pagina/index/directorio/Equivalencia_notas_medias

Poderá requirírselle ás persoas solicitantes a exhibición da documentación orixinal.

 

Paso 2. Rexistra a túa solicitude na plataforma de bolsas do Banco Santander, na convocatoria específica para estas bolsas, a través da seguinte ligazón:

http://app.santanderopenacademy.com/program/ univ-coruna-estudios-masteres-universit-oficiales-2024-25

Deberás indicar, obrigatoriamente, o número de expediente que recibirás a través dun correo electrónico na túa conta de correo da @udc, unha vez teñas realizado o paso 1.

O prazo de presentación de solicitudes estará aberto desde o 3 de decembro de 2024 ata as 23:00 h do 20 de decembro de 2024.