Protexe os teus resultados
A través da OTC xestiónanse as patentes realizadas polo profesorado no ámbito das súas funcións docentes e investigadoras, correspondendo a súa titularidade á universidade, segundo a Lei 24/2015, de 24 de xullo, de Patentes.
Asesorámoste e acompañámoste no proceso de protección dos resultados da túa investigación. Avaliamos técnicamente os resultados e suxerimos a mellor forma de protección, xestionando todo o proceso dende a solicitude ata a concesión e trámites posteriores.
Prestamos apoio nos seguintes aspectos:
- Xestión e asesoramento sobre a protección de resultados de investigación
- Documentación sobre propiedade industrial: normativas, leis, directivas, etc…
- Tramitación de solicitudes de patentes e software
- Explotación de resultados: contratos de transferencia de tecnoloxía, contratos de licenzas de explotación e contratos de know-how
Información clave
Se consideras que os resultados da túa investigación son susceptibles de protección, deberás comunicalo á OTC a través do formulario de Comunicación de Resultados de Investigación (CRI). É fundamental que realices esta comunicación antes de facer calquera difusión pública ou publicación, co fin de evitar a perda da novidade.
Para facilitar a xestión, recomendámosche consultar o Protocolo de actuación de protección de resultados de investigación.
Recibida a CRI, analizaremos a documentación e avaliaremos a patentabilidade da invención, así como o mecanismo máis adecuado para a súa protección.
Normativa e procedementos
