A Coruña, 31 de marzo de 2023.- Esta mañá tomaron posesión como profesores titulares de Universidade Sergio Rodríguez Roiloa e Félix Leandro Suárez Riestra, nun acto que tivo lugar na Reitoría da Universidade da Coruña.

Ao acto, presidido polo reitor asistiron o secretario Xeral da UDC, Carlos Aymerich, o vicerreitor de Profesorado e Planificación Docente, Alberto Valderruten, a vicerreitora de Infraestruturas e Sustentabilidade, Amparo Casares, o director da Escola Técnica Superior de Arquitectura, Plácido Lizancos, o decano da Facultade de Ciencias, Andrés Martínez Lage, así como amigos e familiares dos novos profesores titulares.

Sergio Rodríguez Roiloa é profesor da área de Ecoloxía, do Departamento de Bioloxía, con docencia na Facultade de Ciencias.

Félix Leandro Suárez Riestra é docente da área de Mecánica dos Medios Continuos e Teoría de Estruturas, do Departamento de Construcións e Estruturas Arquitectónicas, Civís e Aeronáuticas na ETS. de Arquitectura.