A Coruña, 19 de xullo de 2018.- O reitor da Universidade da Coruña, Julio Abalde, presidiu esta mañá na Reitoría o acto de toma de posesión de tres profesores. Ricardo Antonio García Mira tomou posesión da súa praza como Catedrático de universidade, da área de coñecemento de Psicoloxía Social, Departamento de Psicoloxía da Facultade de Ciencias da Educación.

José Ángel Fraguela Formoso tomou posesión como Catedrático de universidade, da área de coñecemento de Construcións Navais, Departamento de Enxeñaría Naval e Industrial da Escola Politécnica Superior, no Campus de Ferrol.

Fernando Francisco Avecilla Porto tomou posesión da súa praza de Profesor titular de universidade, da área de coñecemento de Química Inorgánica, Departamento de Química da Facultade de Ciencias.