No presente curso 2024-2025, a Universidade Sénior organiza unha nova edición do Outubro Saudable en colaboración con UDC Saudable e que contará có seguinte programa:

No Campus da Coruña, todas as actividades terán lugar na Aula 1, coa seguinte axenda:

• 16 de outubro, ás 17:00, conferencia titulada “Actividade física, saúde, estratexia e hábitos” a cargo da profa. Paula García Tenorio, dirixida aos alumnos e alumnas da materia “Exploracións culturais: Arte-Ciencia-Técnica”
• 22 de outubro, ás 10:30, conferencia titulada “Nutrición e Vitamina D: claves para unha alimentación saudable”, a cargo do equipo de formación de NUTRICIONA, dirixida aos alumnos e alumnas da materia “Educación para a Saúde”.
• 23 de outubro, ás 9:30, conferencia titulada “Evolución humanda, de ónde vimos?”, a cargo do prof. Salvador Fojón Polanco, dirixida aos alumnos e alumnas da materia “Iniciación a Filosofía”.
• 23 de outubro, ás 12:30, conferencia titulada “Alimentación saudable para adultos maiores”, a cargo da profa. Alma Prieto Tenreiro, dirixida aos alumnos e alumnas da materia “Temas penais na sociedade actual”.
• 28 de outubro, ás 10:30, conferencia titulada “O estrés na sociedade actual: estratexias para manexalo", a cargo da profa. Patricia Otero Otero, dirixida aos alumnos e alumnas da materia "Ciencia e cidadanía"

En colaboración coa Cátedra Vegalsa-Eroski da UDC, o 31 de outubro haberá un almorzo saudable que precisará de inscrición previa.

No campus de Ferrol, as actividades terán a seguinte axenda:

• 3 de outubro, ás 10:00, na Aula 2.1 do Edificio de Apoio ao Estudo, conferencia titulada “O estrés, o problema da saúde no mundo actual: recursos psicolóxicos eficaces para a súa prevención” a cargo do prof. Carlos Freire Rodríguez, no marco da materia "Benestar Psicolóxico".
• 15 de outubro, ás 9:30, na Aula 2.1 do Edificio de Apoio ao Estudo, conferencia titulada “Alimentación e Vitamina D", a cargo da prof. Raquel Veiga Seijo, dirixida aos alumnos e alumnas da materia “Saúde e benestar: Coidados e prevención”.
• 22 de outubro, ás 12:30, Aula Multiusos I do Edificio de Apoio ao Estudo, conferencia titulada “Actividade física: alimento do corazón e do cerebro”, a cargo do prof. Pablo Arias Rodríguez, no marco da súa materia "Actividade física, nutrición e exercicio na poboación sénior".
• Na semana do 28 de outubro (en función das condicións meteorolóxicas), terá lugar unha Caminata Saudable por Ferrol, en colaboración coa Concellería de Política Social e Inclusión do Concello de Ferrol

En todas as actividades a entrada é libre ata completar aforo agás para o Almorzo Saudable no campus da Coruña, que terá as prazas limitadas, e será preciso realizar unha inscrición previa entre os días 16 e 20 de outubro, mediante o seguinte formulario electrónico:

Inscrición Almorzo Saudable 2024 – campus A Coruña

 Máis información nas Secretarías da Universidade Sénior: