A Coruña, 8 de decembro de 2021.- O reitor da Universidade da Coruña, Julio Abalde, e o director Xeral do Instituto Tecnológico de Galicia (ITG), Carlos Calvo, asinarán un convenio de colaboración mañá, xoves, 9 de decembro, ás 10:00 horas, na Sala de Prensa da Reitoría (A Maestranza).

O acordo establece a cesión dun espazo na Cidade das TIC para a creación dun Centro de Excelencia en Investigación e Desenvolvemento de referencia internacional no ámbito da Intelixencia Artificial e as TIC orientadas ao desenvolvemento dos Sistemas Aéreos Non Tripulados (drons), denominado Galaxy-lab.