A Área de Cultura da Universidade da Coruña continúa no mes de xuño co ciclo de cine: Conversas coa dirección, un proxecto con cita mensual dedicado á sétima arte e que nace co fin de achegar o público á obra fílmica dos/as realizadores/as de cine e documentais convidados/as, ofrecendo a posibilidade de conversar con eles/as tras a visualización da súa curtametraxe.
Nesta segunda quenda visitaranos Elena Duque, responsable de diversas publicacións do Festival de Cine de Sevilla e asesora do programa especial de animación que se leva a cabo desde 2013. Tamén é a programadora do departamento editorial de (S8) Mostra de Cinema Periférico da Coruña, e conta cunha ampla traxectoria en curtametraxes de animación e experimentais.

Curtametraxes:

Cómo hacer un fanzine (2010, 2 min.)
La mar salada (2014, 3 min.)
De cara a la galería (2014, 4 min.)
Ñam (2014, 2 min)
Postales (2016, 3 min.)
Pla y Cancela (2017, 3 min.)

Videoclips:

El texu de Bermiego – Montañas (2013)
I’m Not You Will – Los jaguares de la Bahía (2017)
Mountain Fires – The Mining and co. (2017)

Traballos de encargo:

Let’s Make Brownies (2015)
Wadaka (2016)
Cabecera (S8) Mostra de Cinema Periférico 2015
Cabecera Filmadrid 2016
Cabecera Semana del Audiovisual Contemporáneo de Oviedo 2018

Proxeccións:

Ferrol. 6 de xuño, Aula multiusos 1, Centro Cultural de Esteiro ás 19.00 horas
A Coruña. 7 xuño. Cubo da Normal ás 19.30 horas.