Convocatoria de tres cursos de formación en lingua galega para o persoal docente e investigador da Universidade da Coruña.

• Curso Básico de Aproximación á Lingua Estándar, destinado a quen posúa un coñecemento básico do idioma ou desexe achegarse ao seu coñecemento.
• Curso de Actualización de Competencias Lingüísticas, destinado a quen posúa un certo dominio da lingua e precise ampliar e asentar conceptos.
• Curso Superior de Competencias Lingüísticas, destinado a quen pretenda profundar no idioma para acadar coñecementos de nivel avanzado.

Cursos de carácter voluntario que se desenvolverán en liña a través do Campus Virtual da UDC.

Solicitudes

O prazo de presentación de solicitudes remata o 20 de setembro. O número máximo de prazas dispoñibles é de 120 (40 por curso).

A orde de recepción das solicitudes aplicarase como criterio de selección no caso de que haxa máis solicitudes que prazas.

Duración

Os cursos, cunha duración de 30 horas, comezarán o 2 de outubro e desenvolveranse ao longo de nove semanas, até o 3 de decembro.