A ETSNM pon ao dispor do seu alumnado un servizo personalizado de asesoramento e orientación, asignando un titor ou titora persoal dende o primeiro momento.

A súa axuda permitirá ao estudante adaptarse e integrarse máis rápida e satisfactoriamente na vida universitaria, desenvolver os seus recursos persoais, mellorar os seus procesos de aprendizaxe e, por tanto, o seu rendemento académico e, tamén, facilitar a súa incorporación ao mundo profesional.

Estes son algúns dos beneficios que lle pode proporcionar dispoñer dun titor ou titora persoal.

A función do titor ou titora non é vixiar, controlar ou xulgar senón, pola contra, apoiar e acompañar ao estudante ao longo da súa formación académica. Podendo informar, asesorar e apoiar ao longo da carreira a nivel persoal, académico e profesional.

• Necesita información sobre o funcionamento da Universidade e os seus servizos.
• Ten dificultade nos seus estudos e en como se organiza o tempo.
• Quere potenciar determinadas habilidades que son necesarias para o seu desenvolvemento persoal e profesional.
• Quere mellorar o seu rendemento académico.
• Ten algunha dificultade persoal que está a prexudicar o seu rendemento académico
• Necesita información sobre o plan de estudos da súa titulación e asesoramento para decidir en que materias optativas matricúlase.
• Quere axuda para planificar o seu itinerario académico.
• Quere coñecer mellor as distintas saídas profesionais da súa titulación e decidir cales encaixan mellor cos seus intereses e expectativas.

• Pode acudir xunto o seu titor ou titora sempre que o considere oportuno por ser un servizo voluntario.
• Toda a información que facilite a un titor ou titora será estritamente confidencial.
• Non fai falta que teña un problema para consultar co titor ou titora pois a súa función é, ante todo, axudarlle a que aproveite ao máximo o seu tempo na Universidade e oriéntese adecuadamente cara ao seu futuro profesional.
• O programa de acollida, con procedemento propio, pretende dar ao estudante de novo ingreso a información tanto académica como funcional da ETSNM. Neste proceso, ademais do profesorado dos primeiros cursos e profesores/as titores/as, participan estudantes de cursos superiores. En particular, son estes últimos os encargados de realizar unha visita guiada polas distintas dependencias da Escola. Culmina coa realización dunha enquisa.

Para un mellor rendemento académico, o PAT enfócase de forma específica a:

• Apoiar a integración do estudante de novo ingreso na ETSNM.
• Descubrir as trabas que se lle presentan no estudo.
• Orientar ao estudante no seu proceso de formación.
• Asesorar na elaboración do currículo académico.
• Facilitar información dos aspectos relacionados coa institución que o/a estudante solicite.
• Animar á participación nos órganos de representación do Centro e da Universidade.
• Mediar nos posibles conflitos académicos que poidan xurdir na estancia do estudante no Centro.
• Orientar e servir de apoio no paso do mundo académico ao laboral.

Plan de Acción Titorial na UDC

PDI titor/a 23-24

PhD María Teresa Cao Rial

☏ 881 01 42 44

✉ teresa.cao@udc.es 

Se formas parte de la comunidad universitaria y eres deportista, entrenador/a, técnico/a, juez/a o árbitro/a de alto nivel, alto rendimiento deportivo, y rendimiento deportivo o se participas en competiones de ámbito nacional y quieres beneficiarte de las diferentes ayudas que te permitan compatibilizar tu preparación y práctica competitiva con tus estudios universitarios y cumples con alguno de los requisitos que aparecen en la Normativa de Deportista de Alto Nivel da Universidade da Coruña, este es tu espacio.

Dra. María Teresa Cao Rial

☏ 881 01 42 44

✉ teresa.cao@udc.es