A Escola Técnica Superior de Náutica e Máquinas da UDC acolle a xornada técnica ‘O futuro das profesións superiores marítimas’.

Nun contexto global marcado pola transformación dixital, a transición enerxética e a necesidade de avanzar cara a un transporte marítimo máis sostible, as profesións marítimas enfróntanse a importantes desafíos e oportunidades.

O Colexio de Oficiais da Mariña Mercante Española (COMME) organiza unha xornada técnica, baixo o título ‘O futuro das profesións superiores marítimas’, no Salón de Actos da ETSNM da Universidade da Coruña, o vindeiro martes 29 de abril, de 11:30 h. a 14:00 h., co fin de analizar a situación actual e debater sobre o futuro do sector marítimo, abordando aspectos clave para garantir o seu desenvolvemento sostible.

O encontro contará coa participación do secretario xeral de Transporte Aéreo e Marítimo, Benito Núñez, ademais do presidente do COMME, Germán de Melo; o director de Sociedade de Salvamento e Seguridade Marítima (SASEMAR), José Luis García; o xefe de Área Formación Marítima Dirección Xeral da Mariña Mercante (DGMM), Francisco J. Benítez, e un cargo de Balearia.

No caso de non poder asistir ao evento presencialmente, tamén será retransmitido en directo vía streaming a través desta ligazón.

Entrada libre ata completar a capacidade.

 

PROGRAMA

11:30 h.- Benvida

Manuel Romero, director da ETS de Náutica e Máquinas
Germán de Melo, presidente do COMME

11:40 h.- Intervención

Benito Núñez, secretario xeral de Transporte Aéreo e Marítimo

12:00 h.- Pausa-café

Mesa redonda. Interveñen:

12:20 h.- Titulacións náuticas universitarias

Manuel Romero, director ETS de Náutica e Maquinas da UDC

12:35 h.- O estado actual da Mariña Mercante Española

Cristina González Cuetara, Balearia

12:50 h.- Cambios na formación marítima e propostas para contrarrestar a falta de capital humano na economía azul

Francisco J. Benítez, xefe de Área Formación Marítima DGMM

13:05 h.- Profesionais, Innovación e Tecnoloxías en SASEMAR. Preparando o futuro de Salvamento Marítimo

José Luis García, director SASEMAR

13:20 h.- O futuro das profesións superiores marítimas 

Germán de Melo, presidente do COMME

13:35 h.- Coloquio

Modera: Santiago Ciriza, asesor Xurídico do COMME