A presente convocatoria ten por obxecto recoñecer o labor de captación e divulgación dos/as estudantes da UDC pola súa iniciativa individual, que de forma autónoma e proactiva, realicen accións para divulgar en centros formativos as titulacións do Grao en Máquinas Navais (GMN) e o Grao en Náutica e Transporte Marítimo (GNTM) e/ou captar a futuros/as estudantes para a ETSNM.

As persoas que queiran participar deberán acceder ao formulario que será publicado na páxina web da ETSNM e completar os datos segundo a acción que vaia facer.

1. Se captou a un futuro/a estudante para os graos da ETSNM:

• O seu nome e apelidos, correo electrónico e número de teléfono.
• O nome e apelidos do/a posible futuro/a estudante do GNM ou GNTM.
• Grao no que é posible que se matricule.

2. Se quere ir visitar e dar unha charla de divulgación dos graos da ETSNM:

• O seu nome e apelidos, correo electrónico e número de teléfono.
• O nome do centro formativo a onde quere ir.
• Se necesita/quere que o acompañe un docente da ETSNM a realizala charla.

As persoas gañadoras serán as que maior número de estudantes capte para as titulacións de grao impartidas na ETSNM (tras comprobación de matrículas efectivas no curso 2025/2026), e máis visitas faga a centros formativos (tras comprobación de evidencias unha vez feita a mesma).

No caso que haxa empate entre as persoas participantes, para decidir os premios, teranse en conta os seguintes criterios de desempate:

• Aquela que teña un maior número de estudantes captados/as na titulación de grao con menos volume de matrícula no curso 2025/2026.
• Aquela que visitara a máis centros para dar charlas de divulgación.
• Aquela que teña un maior número de estudantes captadas mulleres, por ter unha representación minoritaria con respecto aos homes nas titulacións da ETSNM.
• Aquela que teña o/a futuro/a estudante coa nota de acceso máis alta.

Esta actividade estará aberta ata que se publique a última lista de prescrición de matrícula para o acceso á Universidade. Os premios entregaranse unha vez rematados todos prazos de matrícula, outubro 2025.

A ETSNM notificará ás persoas gañadoras a resolución do premio a través dos medios de contacto facilitados ao darse de alta no formulario web.

Os premios concederanse entre os participantes que, durante o curso 2024/2025, capten o maior número de futuros estudantes e visiten máis centros para divulgar os estudos da ETSNM, e serán financiados con cargo á partida orzamentaria XXXX.XXXX.XXX.XX. Os premios están suxeitos ás retencións que legalmente correspondan. A convocatoria e toda a información e fases difundiranse, entre outros medios, na páxina web da ETSNM.

• Primeiro premio será de 200 €.
• Segundo premio será de 150 €.
• Terceiro premio será de 100 €.

A comisión avaliadora estará constituída polos seguintes membros:

• Presidente/a: Director/a da ETSNM, Manuel Romero Gómez.
• Secretario/a: Secretario/a da ETSNM, Antonio Enrique Masdías Bonome.
• Vogal: Coordinador/a do GMN, Javier Romero Gómez.
• Vogal: Coordinador/a do GNTM, Natividad López López.

A participación nesta acción supón a aceptación das presentes bases na súa totalidade. En consecuencia, calquera manifestación de non aceptación implica a exclusión da persoa participante.