No ámbito das conmemoracións do Día de Rosalía [23 de febreiro], o colectivo Culturarmos quere convidarvos a “Vaite noite, vente aurora”, un recital en homenaxe á escritora que terá lugar na terza feira (martes) 25 de febreiro ás 13.00 h na Sala de Xuntas (andar baixo).

Alumnado e profesorado das facultades de Filoloxía e de Turismo lerá textos de Cantares Gallegos e de Follas Novas e mais poemas dedicados a Rosalía doutros/as autores/as (Curros Enríquez, Cabanillas, Teixeira de Pascoaes, Pimentel, Lorca, Celso Emilio, Manuel María, M.ª Xosé Queixán, Xohana Torres e Chus Pato).