Primeiros pasos

Paso 1

Activa a túa conta

Paso 2

Conéctate á wifi da UDC

Paso 3

Solicita a TUI

1 Activa a túa conta

No momento de faceres a matrícula facilitóuseche un código alfanumérico de activación de servizos. Ese código será a túa chave para crear a túa conta e realizar calquera xestión como membro da comunidade a través dos servizos web que ofrece a UDC:

  • Dispoñer da túa conta de correo.
  • Consultar o teu expediente académico ou os pagamentos da matrícula.

As notificacións oficiais chegaranche ao teu correo electrónico da UDC, polo que non deixes de consultalo. Se esqueces o teu contrasinal podes solicitar un novo na administración do teu centro de estudos, tras acreditar a túa identidade. Lembra que debes cambiar o contrasinal cada ano por cuestións de seguridade.

2 Conéctate á wifi da UDC

Para ter acceso á wifi da UDC nos teus dispositivos podes facelo de dous xeitos:

  • EDUROAM é a opción máis recomendada. Ofrece unha conexión segura e permite utilizala ás persoas rexistradas que se despracen a outras universidades. Descarga a app Geteduroam e unha vez descargada, escolle a Universidade da Coruña e accede co teu usuario/a e contrasinal. 
  • UDCPORTAL, que non require configuración especial nin instalación de software de seguridade, pero é menos
    segura. Neste caso igualmente terás que introducir a túa conta de usuario/a e contrasinal.

3 Solicita a Tarxeta Universitaria de Identificación (TUI)

A TUI é unha tarxeta dixital, realizada en colaboración co Santander, que te identifica como estudante. Terás que descargar a aplicación da UDC no teu móbil (Android / Iphone), autenticarte coa túa conta da UDC e disporás dela ao instante.
Na App UDC obterás información de gran utilidade:

  • Sobre a UDC: novas, a oferta académica, a investigación, as redes sociais...
  • Todos os teus datos personalizados segundo o teu perfil universitario: consulta as túas materias e cualificacións, o calendario académico, a tarxeta universitaria...