1. ÓRGANOS DE GOBERNO.
Os órganos directivos de goberno do Instituto Universitario de Ciencias da Saude son:
Consello Reitor:
Composto por seis membros representantes a partes iguais da Consellería de Sanidade e da Universidade da Coruña, é o organismo encargado de velar pola boa marcha do Instituto. Nél recae a labor de aprobar e tutelar os convenios de adscripción, o programa anual de actividades, a contratación de profesorado e o establecemento dos criterios e normas de funcionamento propias.
A súa presidencia ocúpana, alternativamente, o Reitor da Universidade e o Conselleiro de Sanidade. O presidente do Consello Reitor é o representante do Instituto nas ocasions que asi o requiran.
O Director:
Da xestión do instituto encárgase o Director, xestionando todas as actividades do Instituto, elaborando presupostos e proxectos e presentándoos ao Consello Reitor para a súa aprobación.
Comisión de Goberno:
A Comisión de Goberno está composta por personalidades facilitadoras do desenvolvemento do Instituto. O seu principal cometido é o asesoramento e apoio ao Director nas súas funcións de xestión do Instituto, colaborando na elaboración de proxectos e memorias de actividades e actuando como comisión executiva do Consello Reitor.
A presidencia da Comisión de Goberno detentaa o Director do Instituto.
O Secretario:
A misión do Secretario é custodiar as actas e a documentación do Instituto e actuar como secretario nas reunións da Comisión de Goberno, ademais de colaborar co Director na elaboración de presupostos, contas, proxectos e memorias anuais de actividades.
| UDC | CHUAC | directo | |||
| director | 5925 | 293601 | |||
| secretario | Dr. Javier Muñiz García | 5920 | 293603 | javmu@udc.es | |
| secretaria | M. Teresa Mato Pintané | 5915 | 293600 | 981173160 | iucs@udc.es |
| auxiliar | 5914 | 293611 |