Colección
A Biblioteca ofrece servizos de apoio á actividade docente e investigadora da Escola e para elo dispón dunha colección bibliográfica accesible na súa maior parte en libre acceso.
Para atopar os recursos nos andeis podes usar:
- O catálogo en liña, Crunia
- O plano das seccións da sala de lectura
- A listaxe de sinaturas topográficas das obras que compoñen a colección en acceso directo.
- Os listados de bibliografía recomendada por materias de cada curso.
Na sala de lectura atoparás unha selección de obras recentemente adquiridas e que tamén podes levar en préstamo. Estas novidades publícanse de forma periódica na conta que a nosa Biblioteca ten en Instagram.
Na hemeroteca ofrecemos revistas especializadas e algunhas contan tamén con versión electrónica. Podes consultar estes documentos:
- A listaxe das revistas activas da nosa Biblioteca (moitas delas só electrónicas)
- A clasificación das nosas revistas por materias.
En Crunia (catálogo en liña) atoparás revistas especializadas do teu interese, por exemplo, sobre Enxeñaría oceánica e outras materias.
A Biblioteca da UDC ofrece acceso a bases de datos de especial interese para as nosas titulacións: multidisciplinares (AENORmás normas UNE, etc.) e especializadas en Enxeñaría (IEEE Xplore, Engineering Source, etc.) ou Química (Analitical Abstracts, CSD, etc.).
Outras publicacións especializadas
Temos publicacións da Organización Marítima Internacional (OMI/IMO), convenios como MARPOL, SOLAS, os cursos modelo, etc., e monografías técnicas do Admiralty ou de The Nautical Institute (Reino Unido). Dispoñemos de publicacións do Ministerio de Defensa como o Almanaque náutico ou o Anuario de mareas.
Contamos tamén con cartas náuticas, a súa maioría de consulta en sala, que podes localizar no catálogo en liña (as súas signaturas topográficas comezan por MAPA/528).
Ademais, a colección conta con publicacións de soporte ás probas orais e escritas do estándar Marlins, que realiza a nosa Escola como centro pioneiro en España. Son probas que sirven para acreditar o dominio do inglés do persoal a bordo de todo tipo de buques.
Estas obras adoitan figurar como bibliografía recomendada nas materias de grao de Inglés.
