Si, as revistas electrónicas están moi ben, podemolas consultar no noso móvil, portatil, ordenador. Pero en Arquitectura existe aínda unha grande cantidade de revistas profesionais que só se poden consultar en papel. E algunhas delas son o melloriño que podemos votarnos aos ollos para coñecer os últimos traballos dos grandes arquitectos galegos, españois e internacionais.

Na nosa hemeroteca podes atopar algúns dos grandes títulos de consulta imprescindible na nosa área: o Croquis, AV Monografías, a+u, The Japan Architect, Urbanisme, etc. Nesta páxina mostrámosche o fondo de revistas que poderás atopar nas nosas salas de acceso libre.