Profesionais

Samuel Mocbee. Gustáballe chamarse 'Cidadán Arquitecto'. Porque iso era para el a profesión de arquitecto: un compromiso coa cidadanía. Coas forzas e as enerxías que fan do mundo un lugar mellor. Alá en Alabama, implementou fermosas arquitecturas 'para o alma', enraizadas cunha terra pobre, sempre marxinada, e instrumentou un proxecto académico -o Rural Studio- para divulgar este modo de operar.

Christopher Alexander. Aquí se presénta a metodoloxía para construír o hábitat e 'reconstruír' a beleza da Terra. Agora a tecnoloxía web enriqueceu os interfaces de transmisión das teorías enunciadas nos anos sesenta do século pasado co aporte de abundante e enriquecedora información adicional como exemplos, bibliografía, materiais descargables e links a outros arquitectos que seguen os seus ensinos.

John Habraken. Arquitecto holandés, titulado en 1955 na TU Delft.
Autor de procesos alternativos para a produción de vivenda en masa, publicada en 'Supports, an Alternative to Mass Housing' ou 'The Structure of the Ordinary'. Os seus proxectos e investigacións desenvólveos na Escola de Arquitectura de Eindhoven, que el funda, e no MIT, que dirixe durante dezaseis anos. Na sua web oficial preséntase todo ese traballo, con numerosas publicacións e presentacións descargables.

Elemental defínense como empresa e destacan estar asociados á Compañía de Petróleos de Chile COPEC e á Pontificia Universidade Católica de Chile. Está dirixida polo arquitecto Alejandro Aravena.
A súa principal fortaleza é a innovación no deseño de proxectos de interese público e impacto social, particularmente na ideación de tipoloxías domésticas crecederas e perfectibles.

Kere Architecture. Diébédo Francis Kéré naceu nunha aldea do interior de Burkina Faso. Formouse como arquitecto en Alemania, dende onde expande a súa actividade polo mundo. A súa oficina ten como obxectivo o desenvolvemento do seu país natal, con proxectos arquitectónicos de gran sensibilidade e accións de reivindicación.

Urban-Think Tank é unha práctica de deseño interdisciplinaria dedicada á investigación de alto nivel e deseño dunha variedade de temas, concernentes coa arquitectura contemporánea e o urbanismo. Está encabezada por Brillembourg e Klumpner, actualmente docentes na ETH de Zurich. O seu traballo ten que ver coas aplicacións teóricas e prácticas dentro da arquitectura e o planeamento urbano en contextos globais, creando pontes entre as industrias do primeiro e o terceiro mundo.

Espazo máximo, custo mínimo. Carlos González Lobo e María Eugenia Hurtado son docentes e investigadores mexicanos. Desenvolveron un deseño de tipoloxía habitacional, baseado nunha sofisticada tecnoloxía elemental, e que fixo posible a construción de proxectos habitacionais en lugares onde tal iniciativa parecía imposible.

Balkrishna Doshi. Discípulo de Le Corbusier, premio Aga Kahn de Arquitectura, fundador en 1962 da School of Architecture de Ahmedabad (India) e da de Planificación Física (1972) da mesma cidade. É un dos emblemas da arquitectura hindú contemporánea, aínda que iso non lle afastou dun forte compromiso cos problemas das xentes máis humildes do país, cuxo estudo levoulle a fundar a Vastu Shilpa Fundation.

Yona Friedman veu dedicando unha parte dos seus esforzos ao estudo do que chama o 'mundo pobre'. Analizando as circunstancias que o lastran nesa situación, elabora propostas teóricas e tecnolóxicas para tratar de resolvela, recoñecendo que o mundo posúe os suficientes recursos -aínda que mal administrados- para facer posible un cambio.

Teddy Cruz. Arquitecto guatemalteco radicado dende o 2000 en San Diego, California. Investiga e proxecta no territorio fronteirizo U.S.-México. As súas actuacións adecúanse ao impacto socioeconómico identificado nos seus estudos teóricos con ONG de ambos lados da fronteira.

Entre Nos Atelier. O Colectivo foi fundado en San José, Costa Rica no 2010 polos arquitectos Michael Smith e Alejandro Vallejo, ambos comparten unha visión humanista do deseño con impacto social, con sensibilidade ambiental, sostibles e unha procura constante cara á experimentación con materiais alternativos locais. Destaca na súa traxectoria profesional e de colectivo, recoñecementos, publicacións e conferencias a nivel nacional e internacional, axuntado a un labor docente en varias universidades latinoamericanas.