A cita anual das educadoras e educadores pola paz galegos e portugueses levanos este ano a repetir por segunda vez un dos enclaves paisaxísticos máis fermosos e espectaculares da nosa xeografía: a desembocadura do Miño, onde o rio fundese co mar unindo, ao mesmo tempo, as terras irmás de Galicia e Portugal. Efectivamente, por segunda vez imos facer o Encontro no Hotel Novo Muiño, na mesma praia de Camposancos-A Guarda, que ademáis supuxo o lugar onde moitos colegas portugueses asistiron por primeira vez aos nosos encontros. E con moitos deles e delas xa quedamos unidos para sempre.

    A temática deste ano xira en torno á convivencia. Unha convivencia que non pode estar exenta de conflictos pero que queremos respectuosa e libre de todo tipo de discriminacións. Non podemos obviar o feito de que tanto en Portugal como no Estado español están a aparecer signos preocupantes en relación a aceptación da diversidade e máis particularmente da inmigración. Por elo a mesa redonda do venres día 16 xira en torno a un tema central nas nosas sociedades, "convivencia e inmigración". Para elo van falar persoas que están a pé de obra traballando neste terreo, uns desde a súa condición de inmigrantes, outros desde a súa condición de apoiar desde aquí a súa integración e os seus dereitos.

    E o sábado abordamos o tema da convivencia pero desde o propio sistema educativo. ¿Cómo debemos organizar os centros para favorecer a convivencia?, ¿qué factores inciden na mesma?, ¿qué tipo de estratexias e recuros debemos implementar para favorecer unha convivencia democrática?. Serán algúns dos interrogantes que traballaremos contando coa dirección dunha das persoas que máis ten reflexionado e traballado esta temática, tanto desde a teoría como desde a práctica, Miguel. A. Santos Guerra.

Como é tradicional o Encontro completase cos obradoiros simultáneos, a presentación de experiencias e os xogos cooperativos que, como é habitual, salpicarán o Encontro ao longo da fin de semana.

17.00 h — Recepción

18.00 h -— Xogos Cooperativos

19.00 h -— Abertura. Boas vindas

19.15 h -— Mesa Redonda: "Convivencia e inmigración". Interveñen Mercedes García (Mulleres Progresistas, El Ejido, Almería); Ibrahima Niang (Asociación para a Integración e Desenvolvemento dos Africanos, AIDA, Vigo) e Manuel Correia (Frente Antirracista, Lisboa).

21.15 h -— Cea/Jantar

22.00 h — Punto de encontro. Apresentação e saudações das Organizações Presentes. Realización da pomba da paz (Coordina Nardo Carpente)

08.00 h — Pequeno-almoço

09.30 h — Tema de Estudo: "A xestión democrática da convivencia". Por Prof. Dr. Miguel Angel Santos Guerra (Universidade de Málaga).

10.30 h -— Debate

11.00 h — Pausa

11.30 h — Reflexión en grupos simultáneos sobre a ponencia

13 h — Posta en común. Conclusións

14 h — Xantar/Almoço

17,00 h—Obradoiros/ Ateliers. Cada asistente escollerá un dos seguintes:

A. "Vivir a paz: a poesía e a danza", por Mª Virginia Rodrígues (Portugal)

B. "Teoría e prática do obradoiro de escritura", por Nardo Carpente (Galicia)

C. "Dinámicas para Educar Emocionalmente», por Mª Xosé Acevedo e Mª José Gonçalves (Galicia e Portugal)

D. "A mediación como proceso de resolución de conflictos", por Xesús R. Jares (Galicia)

E. "O autocarro da paz", por Isabel Azinhais, Luisa Ferreira, Alice Silva e Paula Antunes (Portugal)

F. "O outro" por Manuel Joao (Portugal)

21 h — Cea/jantar

22 h — Festa pola Paz

09.00 h — Pequeno-almoço

10.00 h — Presentación de Experiencias e comunicacións

11.45 h — Pausa

12.00 h — Avaliación e conclusions do Encontro

13.15 h — "Fotografia da Paz"

14.00 h — Xantar/Almoço

Durante o ENCONTRO haberá exposición e venda de materiais. As persoas/grupos que queiran desenvolver unha destas actividades deben comunicalo á organización para reservar o sitio.

As persoas que queiran presentar experiencias ou comunicacións deben comunicarllelo á organización e adxuntar nun folio o resumo da mesma (Prégase acompañalo con soporte informático en Word 97).

Educadores/as pola Paz.

Apdo. 577.

36200 VIGO (Pontevedra).

Fax: 981 16 71 53 (a atención de Xesús Jares)

XV ENCONTRO GALEGO-VIII GALEGO/PORTUGUES DE EDUCADORES/AS POLA PAZ