Solicitude de entradas para os concertos organizados pola Sociedad Filarmónica Ferrolana

Este ano disporemos de ata 15 entradas para os concertos da tempada 2018/2019

Sociedad Filarmónica Ferrolana

 

Bo día:

De novo, a Universidade da Coruña (UDC) pon á disposición do seu alumnado entradas de balde para os concertos organizados pola Sociedad Filarmónica Ferrolana.

Nesta ocasión, as entradas que ofrecemos son para o "Homenaje a Clara Schumann" Dúo Cassadó, que terá lugar o xovés 04 de abril do 2019, ás 20:30h, no Teatro Jofre.

Cada persoa terá dereito a un máximo de dúas entradas de balde, que se deberán recoller na oficina da Área de Cultura do campus de Esteiro (Centro Cultural Universitario) mostrando a tarxeta universitaria de 14:30 a 22:00 horas.

Prazo de solicitude:

Comezará o luns 01 e rematará o mércores 03 de marzo.

Para solicitar as invitacións haberá que enviar un correo electrónico ao enderezo cultura.ferrol@udc.gal, indicando:

  • Asunto: Entradas RFG
  • Nome e apelidos
  • Número do DNI/NIE ou pasaporte da persoa solicitante

As persoas beneficiarias das entradas poderán recollelas na oficina da Área de Cultura do campus de Esteiro, situada no 1.º andar do Centro Cultural Universitario (r/ Dr. Vázquez Cabrera s/n). No momento de o facer, deberán mostrar a tarxeta universitaria.

Condicións:

* Cada persoa terá dereito a retirar ata dúas localidades. Adxudicaranse por estrita orde de petición.

* Todas as persoas que teñan unha relación contractual ou estatutaria coa UDC quedan excluídas desta oferta de entradas. Só serán entregadas ao alumnado das titulacións oficiais. Tamén quedará excluído o alumnado que non envíe o correo electrónico dende o dominio da universidade ou non se identifique coa tarxeta universitaria.

* Só a persoa adxudicataria poderá retirar as invitacións, polo que no momento da recollida haberá que presentar a tarxeta universitaria.

* As persoas que deixen sen recoller as entradas sen comunicalo previamente por medio do enderezo de correo electrónico cultura.ferrol@udc.gal non poderán participar nos futuros outorgamentos desta tempada.

* Non se poderá facer reserva de ningún tipo das entradas aos concertos.

Para calquera dúbida ou incidencia, pode enviar un correo electrónico ao enderezo cultura.ferrol@udc.gal ou chamar en quenda de tarde, de 14:30 a 22:00 ao teléfono da Área de Cultura: 881 01 3697.

 

 

Sociedad Filarmónica Ferrolana