O Comité Ético de Experimentación Animal (CEEA-UDC) nace na Universidade da Coruña con motivo da creación e posta en marcha da súa primeira infraestrutura de experimentación animal.

O Comité Ético de Experimentación Animal está integrado na Vicerreitoría de Investigación e Transferencia da Universidade da Coruña e trátase dun órgano interdisciplinar, independente e de carácter consultivo cuxo propósito fundamental é avaliar e fomentar unha cultura de uso responsable e ético dos animais no persoal investigador, docente e estudantado, ademais de garantir o uso ético e o benestar necesario dos animais de experimentación ante a sociedade e as administracións. Para iso, o CEEA-UDC estará dotado dun regulamento interno que defina o seu funcionamento básico, seguindo fortes criterios de confidencialidade e garantindo a imparcialidade das súas decisións.