Na web da ANECA atopamos os criterios e baremos que se aplican á avaliación da actividade investigadora.
Alí, ademais da propia convocatoria e dos criterios xerais establecidos no artigo 7 da Orde de 2 de decembro de 1994 e no apartado terceiro da Orde CNU/1181/2019, de 3 de decembro que configuran o marco xurídico, recóllense:
- Criterios específicos para cada un dos campos (Resolución de 9 de decembro de 2024, da Comisión Nacional Evaluadora de la Actividad Investigadora, pola que se publican os criterios para a avaliación da actividade investigadora). Neste documento explícanse as bases da avaliación, a filosofía na que se apoia a ANECA, documentos que se poden presentar, requisitos que hai que cumprir, criterios xerais de avaliación e específicos por campos, etc.
- Baremo xeral (facilitado pola dirección de ANECA a todos os Comités Asesores e aplicables a todos os campos, publicado en decembro de 2024). Agora hai un só baremo para todos os campos.
Estes documentos son clave tanto para a selección das obras que se queren incluír na solicitude como para a redacción das xustificacións de calidade.