Prazos (2011/2012) para novas propostas de cursos e solicitudes de renovación

Co obxecto de completar a oferta de estudos propios de posgrao da UDC parao vindeiro curso 2011/12, fíxanse os seguintes prazos (dúas convocatorias) para solicitar a implantación dun novo estudo propio de posgrao e/ou solicitar a renovación dun curso xa existente:

• Do 26 de abril ao 20 de maio de 2011
• Do 12 de setembro ao 5 de outubro de 2011

As solicitudes de renovación de cursos que non remataron a edición actual incluirá un informe avanzado da edición en curso que unicamente incluirá: (i) Relación de estudantes matriculados, (ii) Avance do balance económico certificado pola entidade xestora se é o caso (primeira páxina do epígrafe 5º), (iii) Relación de modificacións solicitadas para a vindeira edición e (iv) Impresos 2.1 e 2.2 do proxecto debidamente actualizados.

 

As solicitudes deberán presentarse nas dependencias da Unidade de Estudos Propios de Posgrao (Pavillón de Estudantes, Campus de Elviña, s/n), consonte aos impresos normalizados elaborados pola Unidade de Estudos Propios de Posgrao a tales efectos.

 

As instrucións para tramitar as solicitudes figuran nas direccións web:

• Implantación
• Renovación

Para calquera dúbida ou consulta contactar co persoal da UEPP (ext. 1964, 1969, enderezo electrónico uepp@udc.es)