Unidade de Estudos Propios
Presentación
A Unidade de Estudos Propios (UEP) da Universidade da Coruña (UDC) é un órgano de xestión dependente da Vicerreitoría de Titulacións e Internacionalización que ten como misión planificar, coordinar, supervisar e difundir a oferta de estudos propios da UDC, velando pola súa calidade e idoneidade con respecto ás demandas de formación do noso entorno.
As ensinanzas propias están dirixidas tanto a titulados universitarios que desexan acadar un nivel de especialización complementario á súa formación de grao como a profesionais con experiencia que ansían mellorar e actualizar os seus coñecementos no seu propio ámbito laboral. Neste sitio web atopará información detallada sobre a oferta actual de estudos propios da UDC, con programas académicos moi diversos e pertencentes a diferentes ámbitos de coñecemento.
Bonificacións para empresas
O Permiso Individual de Formación (PIF) é aquel que a empresa autoriza a un traballador para realizar unha acción formativa recoñecida (entre outras) por un título universitario propio, co fin de favorecer o seu desenvolvemento profesional e persoal, sempre que non constitúa unha formación obrigatoria para o empresario. A acción formativa deberá realizarse integramente de forma presencial ou, de non ser así, ter clases presenciais, prácticas ou titorías obrigatorias. As empresas aplicarán as bonificacións nas cotas á Seguridade Social a medida que abonen os salarios dos traballadores que desfruten do PIF.
Máis información sobre como aplicar as bonificacións PIF en FUNDAE.
Actualidade
Actualidade