Tradución de documentos

Para traducir documentos, os pasos que deberemos levar a cabo son os seguintes:

Seleccionar a dirección de tradución que queremos aplicar

• Galego-Español
• Español-Galego
• Español-Inglés
• Inglés-Español
• etc.

Seleccionar o ficheiro que queremos traducir conforme á  dirección de tradución e o formato que indicamos nos pasos anteriores. Se indicamos que queremos facer unha tradución de galego a español dun .doc (Microsoft Word) o documento que seleccionaremos deberá ser de tipo .doc e estar no idioma galego. Cando pulsemos o botón de seleccionar, abrirase unha xanela que nos permitirá buscar nas carpetas do noso equipo e/ou nos equipos da rede á que esteamos conectados, o documento para traducir (o frontal identificará automaticamente a extensión do ficheiro seleccionado). Os formatos soportados son:

• TXT: para ficheiros de texto plano (sen formato)
• HTML: para traducir ficheiros tipo HTML
• DOC: documento de word para MS Office 97/2000/2003/XP
• ODT: documento de OpenOffice swriter
• ODS: documento de OpenOffice scalc
• ODP: documento de OpenOffice impress
• DOCX: documentos de word para MS Office 2007
• XLSX: documentos de excel para MS Office 2007
• PPTX: documentos de powerpoint para MS Office 2007

Indicar se queremos que se marquen as palabras descoñecidas ou non. Marcando o recadro de verificación correspondente, indicamos se no proceso de tradución queremos que indique cun “*” aquelas palabras que non están presentes nos dicionarios.

Unha vez indicados os parámetros anteriores, deberemos pulsar o botón de “traducir” para levar a cabo a tradución. Pasados uns segundos devolverá o documento traducido dándonos a opción de abrilo ou gardalo. Este terá o nome orixinal seguido dun guión e as iniciais do idioma ao que fixemos a tradución. Por exemplo, se enviamos a traducir un documento denominado carta.doc do galego para o español, o frontal devolverá un documento denominado
carta-es.doc